Tâi tâng vâ chê 4.000 to, cheăm Đăk La cho cheăm ki ối má môi a tơring Đăk Hà, kong pơlê Kon Tum ‘na păn chu. La xuân a cheăm kố péa hơnăm hdrối nah ai tâ tú pơreăng hbáu rơkong, tơlo\ng kơchuôp chêng chu. Pôa Đỗ Học, Ngế pơkuâ ngăn khu pơlât mơnăn cheăm Đăk La ăm ‘nâi:  

‘’Cheăm păn hên chu la tơdroăng cheăng pâk pơkeăng mơdât pơreăng hbáu rơkong tơlo\ng kơchuôp chêng chu ôh tá ai. Mê ôh tá pâk. Hlo tiah mê, pơreăng hbáu rơkong tơlo\ng kơchuôp chêng chu a cheăm kố kô tơ’lêi vêh tâ tú nếo’’.

Tíu păn chu tro tâ tú pơreăng hbáu rơkong tơlong kơchuôp chêng a tơring Đăk Tô

Kong pơlê Kon Tum nôkố ai tâi tâng lối 131 rơpâu to chu [ă ki hên păn bu iâ, rơpo\ng ki tá iâ ki tâi iâ. Ma luâ mâu chu ki păn mê cho tơmeăm khoăng ki kân dêi rơpo\ng kuăn pơlê, la tâi tâng mâu kuăn pơlê ki păn ôh tá châ pâk pơkeăng vaccine hbrâ mơdât pơreăng tơlo\ng kơchuôp chêng ăm chu [ă khu ngăn pơlât mơnăn kong pơlê Kon Tum ăm ‘nâi, mâu chu ki păn mê ôh tá xê mâu chu ki châ pâk pơkeăng hbrâ mơdât pơreăng tơlo\ng kơchuôp chêng ki tơnêi têa pơkâ.

‘’Tơdroăng pơkâ dêi tơnêi têa ‘na hbrâ mơdât pơreăng tơlo\ng kơchuôp chêng chu pơla hơnăm 2015-2020 mê mâu mơnăn ki pơkâ pâk pơkeăng mơdât tơlo\ng kơchuôp chêng a kong pơlê Kon Tum cho kơpôu ro. ‘Na chu ôh tá xê mơnăn ki châ pơkâ pâk mơdât pơreăng, mê tâi tâng mâu chu ôh tá châ pâk pơkeăng mơdât pơreăng’’.

Tơdrêng [ă tơdroăng pâk pơkeăng hbrâ mơdât pơreăng kơchuôp chêng chu a kong pơlê Kon Tum xuân dế ai hên tíu ki pro ôh tá tro.  Hên mâu rơpo\ng ki păn, kăn [o# ngăn pơlât mơnăn [ă mâu kăn cheăm ối kơtôa pơreăng tâ tú. Tơdroăng séa ngăn tâ tú pơreăng a mâu rơpo\ng păn mơnăn tung rơpo\ng hngêi tá mâu tíu păn hên hâi vâ lăm ngăn khât. Rôh tâ tú pơreăng hbáu rơkong tơlo\ng kơchuôp chêng chu kố nah a tơring Đăk Tô ai 8 to chu pơreăng hiăng djâ a tíu poh chêh hơ’nêh mâm tơchoâm dêi tơring. Pôa Lê Đức Hùng, Ngế pơkuâ ngăn tíu păn mơnăn [ă pơlât mơnăn tơring Đăk Tô, tối tiah kố:

‘’Rơpo\ng poh chêh hơ’nêh mâm drêng djâ chu troh xuân ôh tá ‘nâi dêi chu ki mê hiăng tâ pơreăng. Ki xiâm ga pơreăng hiăng ối tung tíu ki păn. Drêng djâ troh a tíu poh xâ hơ’nêh, tung pơla kroăng chu nếo hlo tâ pơreăng [ă hlối pro tâ tú lâp lu’’.

Pơreăng hbáu rơkong tơlo\ng kơchuôp chêng chu tâ tú tung mâu hâi apoăng hơnăm 2019 pro kơvâ ngăn ‘na pơlât mơnăn [ă mâu khu râ kăn péa tơring Đăk Tô, Đăk Hà dêi kong pơlê Kon Tum hiăng tơku\m prâu tah 182 to chu [ă tâi tâng mâu chu mê hngăm lối 11 tâ#n, chu ối pu\m. Maluâ kơvâ ngăn pơkeăng kong pơlê xuân hiăng kum hên tơdroăng ki mơdât pơreăng, la xuân ối hên tơdroăng ki pêi pro ôh tá tro, pro tơ’lêi tâ tú pơreăng hbráu rơkong tơlo\ng kơchuôp chêng chu chiâng tâ tú lâp tơring.

Khoa Điềm chêh

Gương tơplôu [ă tơbleăng