VOV4.Sêdang -  A kong pơlê Kon Tum ai 2 khu mơdró pêt kơxu a tơring tơkăng kong Ia H’Drai dế thâ thế tơvêh ăm kong pơlê rak ngăn lối 1.700 ha tơnêi ki hdrối nah hiăng mung pêt kơxu. Mê cho 2 khu mơdró pâ thế tơvêh lối 1.700 ha tơnêi ăm kong pơlê Kon Tum cho Kŏng ti pêi cheăng tiô rơnó Môi tung khu pêt kơxu Čư̆ Mang Mrai ƀă Kŏng ti veăng tơlo liăn pêt kơxu Sa Thầy xuân cho dêi Grup Kơxu Việt Nam. Tung mê, Kŏng ti pêi cheăng tiô rơnó Môi tung khu Čư̆ Mang Mrai pâ thế tơvêh ăm kong pơlê 1.400 ha ƀă Kŏng ti Veăng tơlo liăn kơxu Sa Thầy ai lối 300 ha.

Tiô kăn pơkuâ 2 khu mơdró tối, tơnêi ki tíu pêi cheăng mê thế tơvêh ăm kong pơlê cho ngo kŭn ai hmốu, tơnêi kĭng têa plông, tơnêi ki têa châ lân lu ôh tá tơtro vâ pêt loăng kơxu. Ngế xiâm pơkuâ ngăn kong ti pêi cheăng tiô rơnó Môi tung khu kơxu Čư̆ Mang Mrai ăm ‘nâi, Khu kăn ngăn ‘na Grup kơxu Việt Nam ƀă mâu kăn kong pơlê Kon Tum xuân hiăng môi tuăn ƀă troăng hơlâ mê.

Gương tơplôu ƀă tơbleăng