VOV4.Sêdang -  Hlo pơreăng COVID-19 tâ tú rơ-iô a Pơlê kong kân Đà Nẵng, sap lơ 21/6, Khu ngăn troăng prôk rơxế kơtâu kong pơlê Kon Tum thế pơtê ‘nôi tơdroăng rơxế chơ tơmối lăm troh a pơlê kong kân ki mê. Pakĭng tơdroăng chơ tơmối (tiô troăng ki hmâ, rơxế kĭ tơkêa, rơxế taxi, rơxế ôm hyô) ki hmâ kơtâu troh a Đà Nẵng ôh tá chiâng kơtâu thế pơtê, bú chơ tơmối tung kong pơlê Kon Tum.

Ƀă mâu ngế ki kal vâ lăm troh a pơlê kong kân Đà Nẵng xua ai tơdroăng kal, rơxế chơ mâu ngế châi tamo, mơngế ki hiăng tâi hâi klâ krê, rơxế hmâ kơtâu xua tơdroăng cheăng hbrâ mơdât pơreăng ƀă chơ mâu ngế ki kal khât ki ê kô châ ăm phêp ing kơ koan khu râ pơkuâ cheăng. Khu xiâm ngăn troăng prôk rơxế kơtâu kong pơlê Kon Tum  pơcháu ăm Khu séa ngăn pơtối tơrŭm ƀă mâu ngế khu râ pơkuâ cheăng mơdêk hnê mơhno, séa ngăn ƀă tơrŭm krá mâu tơdroăng hbrâ mơdât pơreăng a drô troăng prôk.

Gương tơplôu ƀă tơbleăng