VOV4.Sêdang - Kơmăng lơ 21/6, a pơlê kong kơdrâm Kon Tum, khu kăn Đảng kong pơlê, Hô̆i đong, Vi ƀan hnê ngăn kuăn pơlê, Vi ƀan Măt trâ̆n tơnêi têa Việt Nam  kong pơlê Kon Tum hiăng tơkŭm po leh mơhnhôk tơdah xo kơxô̆ liăn tŏng kum  a “Liăn ‘măn kơdĭng ƀă tơdroăng hbrâ mơdât pơreăng COVID-19 kong pơlê Kon Tum”.

A rôh leh , klêi krếo thế dêi Kăn hnê ngăn Vi ƀan kong pơlê Kon Tum cho pôa Lê Ngọc Tuấn, ai hrĭng ngế, tíu pêi cheăng khu tơrŭm cheăng, khu mơdró tung kong pơlê ƀă kong pơlê ê mê hiăng tơdah xo liăn veăng tơlo ƀă chêh inâi veăng tơlo liăn ‘măn kơdĭng.

Kon Tum veăng kum lối 13 rơtal liăn ‘măn a liăn kơdĭng rôe vaccine hbrâ mơdât COVID-19

Mơgêi leh mơhnhôk ƀă tơdah xo liăn veăng tơlo “Khu râng liăn vaccine ƀă tơdroăng hbrâ mơdât pơreăng COVID-19 kong pơlê Kon Tum”, Khu tơrŭm cheăng hiăng châ ing mau kơ koan, tíu pêi cheăng, mâu tơring cheăm, khu mơdró, khu ai tuăn hơ-ui pâ, mâu khu râ kuăn pơlê tung kong pơlê kố ƀă kong pơlê ki ê ƀă tâi tâng kơxô̆ liăn lối 13 rơtal liăn, tung mê, ai 250 rơtuh liăn dêi Đảng bộ, mâu kăn ƀă kuăn pơlê kong pơlê Attapeu, kong têa Lếo veăng tŏng kum hbrâ mơdât pơreăng COVID-19 dêi kong pơlê Kon Tum.

Gương tơplôu ƀă tơbleăng