Xuân môi tiah mơngế pêi cheăng ki ê dêi Ko\ng ti Nhôm Dak Nông, ngoh Bùi Văn Thiều (ối a cheăm Nhân Cơ, tơring Dak Rlâp), cho ko\ng nhân a hngêi kơmăi pro tơkê nhe\n– hơ’lâk tơmeăm tâ phiu ro xua Ko\ng ti xuân rak tơniăn cheăng pêi [a\ liăn khế ăm mâu ngế pêi cheăng. Ngoh Bùi Văn Thiều tối ăm ‘nâi, ôh tá xê to tơniăn tơdroăng pêi cheăng [a\ pêi lo liăn, ko\ng ti ối pêi pro kơtăng khât tơdroăng hbrâ mơdât pơrea\ng Covid 19, kum mơngế pêi cheăng hmiân tuăn tung pêi cheăng.

‘’Ahdrối vâ mot tung ko\ng ti ngin châ khăm ngăn ki tô tung châ, xếo ko\ng [a\ trếo al-côl, lơ xếo ko\ng [a\ trếo têa kơ-[êl, pơtối mot a hngêi kơmăi xuân thế pơtối xếo ko\ng vâ pơcháu dêi pó pêi. Tung tơdroăng pêi cheăng mâ ngin đi đo pêi tiô pơkâ, truâ kên pâng rơkong-môh, mâu tơmeăm ki mơdât pơrea\ng mê nếo ối achê dêi pó’’.

Ko\ng ti nhôm Dak Nông xuân pơtối rak tơniăn pêi cheăng [a\ hbrâ mơdât pơrea\ng Covid 19

Ôh tá xê to tung rơnó pơrea\ng kân Covid 19 xông tâ tú, mê rêm hơnăm, a mâu roh leh, Têt lơ drêng ko\ng nhân châi tamo, trâm xía vâ, Ko\ng ti nhôm Dak Nông pơrá diâp tơmeăm, lăm kơ-êng, mơhnhôk ‘na châ [a\ to\ng kum 70% liăn khế tung tơdroăng pơlât. Pơtih môi tiah ngoh Trịnh Đình Tuyền, pêi cheăng a {ơrô pơkuâ mơjiâng pro kế tơmeăm khoăng, trâm xía vâ xua pêi cheăng, tơpê môi pâ ko\ng, thế pơtê cheăng lối 1 hơnăm.

Ngoh Tuyên tối: tung pơla pơtê cheăng xua trâm xía vâ, ngoh tâ tô tuăn, ôh tá ‘nâi pro tiah lâi, laga tơ’nôm amê, châ tơdroăng tơmâng to\ng kum dêi khu kăn pơkuâ ko\ng ti, Khu pơkuâ Ko\ng đoân, pro ngoh tơngah tâ tung tơdroăng rêh ối.

‘’ ‘Na troăng hơlâ to\ng kum dêi ko\ng ti [a\ mơngế pêi cheăng mê tâi tâng mâu troăng hơlâ ko\ng ti pơrá pêi pro tiô luât [a\ troăng hơlâ dêi tơnêi têa. Xua mê, mâu tơdroăng tơdjâk ‘na [aoh hiêm, to\ng kum mơngế pêi cheăng [a\ mâu hnoăng ki pơxúa mê á hlo cho tu\m [a\ teăm tơdrêng. Châ pêi cheăng a tíu tiah mê á tâ cho mơhúa ‘nâng’’.

Alumin châ kơxuô ahdrối vâ tê ngi kong têa ê

Ko\ng ti Nhôm Dak Nông – TKV nôkố ai lối 1 rơpâu 100 ngế kăn [o#, ko\ng nhân, mâu ngế pêi cheăng. Pôa Nguyễn Văn Hiếu, kăn hnê ngăn Ko\ng đoân ko\ng ti mơnhên tối: mơngế pêi cheăng cho xiâm kối vâ mơnhông vâ ko\ng ti mơnhông mơdêk, krá tơniăn. {a\ hnoăng cheăng dêi tơná, Ko\ng đoân đi đo mơnhông hnoăng rak ngăn tơdroăng rêh ối, teăng mâ, kring vế hnoăng pơkuâ ki pơxúa, tơtro tiô luât, tơxâng dêi ko\ng nhân. Drêng ai pơrea\ng Covid xông tâ tú, Ko\ng đoân Ko\ng ti xuân ai hên tơdroăng vâ rak ngăn ivá ăm mâu ngế pêi cheăng.

‘’Tíu cheăng ngin xuân hiăng mơjiâng khu pơkuâ cheăng, mâu khu pêi cheăng pơchân tối a pa-nô, áp-phích hbrâ mơdât Covid a tíu pêi cheăng. Pak^ng mê, ngin xuân tơku\m po klâ ối krê roh kâ hmê vâ ví tơku\m kơdrâm mơngế; klâ hên tíu kâ. Khu pơkuâ cheăng rôe kên pâng rơkong-môh [a\ têa kơdê pơrea\ng troh rêm hngêi kơmăi xing xoăng ăm mâu ngế pêi cheăng’’.

Pôa Nguyễn Bá Phong, Kăn pho\ pơkuâ Ko\ng ti nhôm Dak Nông – TKV tối ăm ‘nâi, ko\ng ti pêi pro hnoăng cheăng [a\ 2 pơkâ xiâm cho rế hbrâ pêi pro mâu troăng hbrâ mơdât pơrea\ng, rế rak tơniăn mơjiâng pro tơmeăm. Sap ing apoăng hơnăm troh nôkố, ko\ng ti hiăng pêi châ tơ-[rê pơkâ dêi hơnăm [a\ tơdroăng tê ngi kong têa ê 177 rơpâu ta#n Alumin. Xua mê, maluâ trâm hên pá puât xua pơrea\ng Covid 19 tâ tú, laga Ko\ng ti xuân hiăng pêi pro teăm tơdrêng vâ ‘mâi rơnêu, rak tơniăn pêi lo liăn ngân ăm kăn [o#, mơngế cheăng.

‘’Tung pơla kố nah pơrea\ng kơ-ôk xuân hiăng tơdjâk troh tơdroăng mơjiâng kế tơmeăm, ki rơhêng vâ tối mâu kế tơmeăm ki rôe ing kong têa ê. Xua mê, ko\ng ti xuân hbrâ tơru\m [a\ mâu hngêi kơmăi rak tơniăn tung mơjiâng pro ăm tu\m tơdrêng ‘na mơjiâng pro kế tơmeăm khoăng vâ tơniăn tro tiô pơkâ. Pơrea\ng Covid ki nhên khât ối tung pơkâ cho, mê ngin xuân tiô tơdroăng, tung mê, ngin hbrâ mâu kế tơmeăm khoăng, kên ki pâng rơkong-môh, têa xếo ko\ng, xôh pơkeăng kơdê pơrea\ng, hbrâ tu\m mâu ngế pêi cheăng vâ hbrâ mơdât pơrea\ng’’.

Drêng hên khu tê mơdró a Tây Nguyên tối tơdjuôm [a\ lâp plâi tơnêi tối krê thế kl^ng péa xua tơdjâk ó dêi pơrea\ng kân Covid 19, tơdjâk kân troh pêi lo liăn dêi mơngế pêi cheăng, mê Ko\ng ti Nhôm Dak Nông xuân rak tơniăn pêi cheăng, rak tơdroăng cheăng ăm lối 1 rơpâu ngế pêi cheăng a kong pơlê.

Hoàng Qui chêh

A Sa Ly tơplôu [a\ tơbleăng