Tiô krâ pơlê Y Long, ối a [on Bu Sir, cheăm Quảng Sơn, tơring Dak Glong, Dak Nông hdrối nah rêm roh tung rơpo\ng ai mơngế kâ kơchâi tơviah, tro kơn^ng, châi klêa lơ eâk lo têa, mê vâi krâ xo mâu nhâ pơkeăng tung kong, drô têa pro vâ pế pro kơchâi kâ vâ pơlât, kơteăm têa plông pêi [a\ hlá lộc vừng cho môi tung mâu kơchâi kâ môi tiah mê.

Péa tơmeăm: kơteăm têa plông [a\ hlá lộc vừng

Kơteăm têa plông ai tung têa plông cho ôh tá xê tơviah [a\ hên ngế, cho kơchâi kâ hmâ pro rêm hâi. Hơ’nêh hjuô têa plông cho ai hên trếo calci, cho le\m ăm mâu ngế châi kơxêng. {a\ lộc vừng cho loăng hmâ huăn a ngo lơ a k^ng têa plông, nôkố châ hên ngế xah loăng ki mơnâ mâ ngăn tăng pêt a kơdrum hngêi. Laga chiâng pro pơkeăng dêi loăng lộc vừng mê ôh tá xê kơbố xuân ‘nâi. Hlá lộc vừng châ tơ-[rê ‘nâng ăm tơdroăng pơlât mâu tơdroăng châi troăng klêa.

Kơteăm têa plông châ pro krúa [a\ pôh chên, kâ kơhiâm ‘nâng

Loăng lộc vừng, loăng ki hu\n a kong ngo tối cho lộc vừng ngo ngối (nâl M’nông tối cho Tơm Tứ); Lộc Vừng hu\n a k^ng têa pro tối cho lộc vừng têa (tối cho Tơm Nong). Ôh tá ngăn nhên kô pá vâ kơnó ki lâi lộc vừng ngo ngối, ki lâi lộc vừng têa. Hlá lộc vừng ngo kân tâ [a\ tơveâng, gá chêk [a\ ôh tá xăng; [a\ hlá dêi lộc vừng têa mê ku\n [a\ xo\n, kâ tâ chêk [a\ xăng hên tâ. Drêng pêi kơteăm têa plông [a\ hlá lộc vừng têa mơni kô chik [a\ xăng hên. Drêng kơn^ng bu kal kâ kơchâi kơteăm têa plông pêi [a\ hlá lộc vừng sap ing 2 troh 3 xôh kô prêi le\m.

Kơteăm têa plông [a\ hlá lộc vừng châ pêi xăn

Pêi kơchâi kơteăm têa plông [a\ hlá lộc vừng tơ’lêi tê. Tơmeăm pêi mê cho: 500g kơteăm têa plông – 200g hlá lộc vừng. Kơteăm têa plông thế rah hjuô kăn vâ ai hên hơ’nêh. Hlá lộc vừng bu xo hlá kơbâng ôh tá xo hlá krâ [a\ kối.

Kơteăm têa plông châ xếo krúa lôi x^ng têa klêi mê pôh a on hdréa loăng ăm chên le\m. Kơteăm têa plông klêi pôh chên lêa tah kơdôu, tah tâi tâng chêng, bu xo châ pêi xăn. Pơtối mê, hlá lộc vừng tâ tung pốu pêi [a\ troh la lâi hiăng xăn le\m; klêi mê râm po, [ôt ngot krâ kơle\m mê hiăng ai kơchâi kâ kơhiâm.

Hiăng pơchên klêi kơchâi kơteăm têa plông pêi [a\ hlá lộc vừng

Kơchâi kố xú kơhiâm, hơ-iâ ing kơteăm pôh, xăng ing hlá lộc vừng. Kơchâi kâ kố kâ [a\ hmê tô lơ kâ tê kơtê cho kơhiâm ‘nâng. Kố cho môi kơchâi kâ ki kơhiâm dêi mơngế M’nông, ai hên trếo pơkeăng, tơ’nôm trếo calci ăm mâu ngế tamo châi tơdrêng amê pơlât tơdroăng châi troăng klêa.

            Y Châu chêh

            A Sa Ly tơplôu [a\ tơbleăng