VOV4.Sêdang -  Ngế pro xiâm hnê ngăn Chin phuh nếo pơtroh kơthô ‘na mơdêk mâu tơdroăng rak tơniăn hbrâ mơdât pơreăng COVID-19. Tung mê, Ngế pro xiâm hnê ngăn tơnêi têa thế Kăn hnê ngăn Vi ƀan mâu kong pơlê, pơlê kong kân râ xiâm tơnêi têa, mâu khu xiâm, Ngế xiâm kơ koan tơdâng Khu xiâm, kơ koan dêi Chin phuh pơtối hnê nhên ƀă pêi pro kơtăng mâu tơdroăng hnê mơhno dêi Khu xiâm kal kí, Kăn hnê ngăn Đảng, Chin phuh, Ngế pro xiâm hnê ngăn Chin phuh, Khu hnê mơhno cheăng hbrâ mơdât pơreăng COVID-19 ƀă mâu ngế hnê mơhno, pơkâ ‘na hbrâ mơdât pơreăng dêi Khu xiâm ƀă tơdroăng hbrâ rơnáu, pêi pro kơtăng tiô pơkâ tơpéa tơdroăng.

Pêi pro tro mâu troăng hơlâ mơdât, châ ’nâi, klâ krê, hdró kơpong ai pơreăng, pơlât krâu khât mâu ki tâ tú. Malối tơtrŏng pêi mâu pơkâ ‘na ối kơtăn, hdró kơpong; ví tơdroăng hdró rơdâ pá gong, ôh tá vâ tơmâng ngăn khât tung tá; thế tơkŭm pêi pro tro tơdroăng ăm kế kâ, têa ôu ƀă mâu tơmeăm kế kâ ăm kuăn pơlê tung kơpong krâ krê, kơpong ôh tá ăm lo, ối kơtăn pơlê pơla. Xúa mâu tơdroăng hbrâ mơdât pơreăng pơklât thế ƀă mâu ngế ki lo ing kơpong ai tâ pơreăng pêi tro tiô pơkâ.

Gương tơplôu ƀă tơbleăng