VOV4.Sêdang - Hneăng hôp “tơpui tơno mơnhông kong pơlê 2021” xua Học viện Chính trị Quốc gia tơkŭm po a kơxo lơ 13/7. A rôh hôp, mâu kăn hiăng tơpui tơno mâu tơdroăng ki tơchĕng tơmiât ƀă troăng hơlâ pơkâ ki xiâm kum mâu kong pơlê mơnhông mơdêk cheăng kâ rêh ối pơlê pơla. Tíu ki xiâm dêi Hneăng hôp cho a Hà Nội ƀă châ mơ’no troh mâu tíu ki kal a mâu kong pơlê, pơlê kong kân ối tung Tơnêi têa.

Tơpui tơno mơnhông kong pơlê 2021 ai inâi “Pêi pro mâu tơdroăng pơkâ tung tơdroăng ki tiah hmâ nếo” kô tơpui mâu rôh tơ’lêi hlâu mơnhông dêi kong pơlê, tơkŭm tung mâu tơdroăng ki tơchĕng tơmiât mơdêk ki tơƀrê tung rak ngăn pêi pro troăng hơlâ tung tơdroăng ki hơ’lêh kơxô̆ ƀă tí tăng tơdroăng ki mơdêk ngiât vâ tơkâ luâ pơreăng kân COVID-19, ivá ki kal mơnhông.

Hneăng hôp kô ai 2 rôh tơpui tơno ‘na tơdroăng ki rak ngăn pêi pro pơkâ mơnhông tung tơdroăng ki tiah hmâ nếo ƀă mâu rôh tơ’lêi hlâu mơdêk ngiât ƀă tơdroăng loi tơngah tơkâ luâ COVID-19.

Katarina Nga tơplôu ƀă tơbleăng