VOV4.Sêdang - Tung 3 hâi, sap hâi lơ 17 troh 19/6, [a\ hiâm mơno pôu râng hnoăng cheăng, kơtăng, châ tơ-[rê, Hneăng hôp mâu kăn Đảng [o# tơring Krông Pa], roh má 14, hneăng hơnăm 2020 – 2025 hiăng châ tơ-[rê le\m. Kố cho Đảng [o# râ tơring apoăng dêi kong pơlê Dak Lak tơku\m po hneăng hôp, châ Khu pơkuâ cheăng Đảng kong pơlê Dak Lak rah cho tíu vâ tơku\m po hneăng hôp apoăng vâ xo vế túa ki rơkê tơtro.

Krông Pa]-tơring apoăng dêi kong pơlê Dak Lak tơku\m po hneăng hôp kân xiâm Đảng [o#

{a\ troăng tơku\m pêi: Ru\m môi tuăn – Kuăn pơlê pơkuâ dêi hnoăng cheăng – Pêi thế tiô pơkâ – Rơkê – Mơnhông mơdêk, Hneăng hôp roh má XIV dêi Đảng [o# tơring Krông Pa] hiăng mơnhên tơmeăm ki ai tơ’lêi hlâu vâ mơnhông mơdêk, troăng mơnhông cheăng kâ – rêh ối pơlê pơla tung hneăng hơnăm 2020 – 2025 [a\ 3 hnoăng xiâm ai mơnhông tơtêk.

Hneăng hôp hiăng rah Khu pơkuâ Đảng [o# tơring Krông Pa] ai 41 ngế. Pơtối châ to pro Kăn pơkuâ hnê ngăn cheăng Đảng tơring Krông Pa], pôa Trần Hồng Tiến tối ăm ‘nâi, vâ pêi pro mâu pơkâ, hnoăng cheăng pơkâ mơ’no, Đảng [o# mơnhên ki kal má môi cho ivá pơkuâ, hnê mơhno dêi khu kăn [o#, đảng viên. Tơdroăng mơngế veăng hneăng hôp hiăng châ séa ngăn inhên.

A Sa Ly tơplôu [ă tơbleăng