VOV4.Sêdang - Veăng hơlêm, kum dêi rơpó ki dế trâm pá a kơpong klâ krê ƀă mâu ngế pêi hnoăng cheăng a kơpong tâ pơreăng Pơlê kong kân Hồ Chí Minh ƀă mâu kong pơlê Bình Dương, Đồng Nai, mâu hâi ki kố, lâp mâu tơring, cheăm tung kong pơlê Dak Nông, mâu Kău lăk ƀô̆, Đô̆i, Khu pleăng hnoăng tơná xua kuăn pơlê rơtế ƀă mâu ki ai tuăn hơ-ui ƀă kuăn pơlê mâu hdroâng kuăn ngo hiăng tơkŭm, chơ hrĭng tâ̆n kơchâi, plâi, pôm pơtroh ƀă púi vâ rơtế veăng tơplâ mơdât pơreăng COVID-19.

Tơkŭm kế tơmeăm pêi lo ing chiâk deăng pơtroh ăm mâu kuăn pơlê a kơpong klâ krê a Pơlê kong kân Hồ Chí Minh ƀă mâu kơpong ki tâ pơreăng

Riân sap lơ 23/6 troh lơ 12/7, Khu ngăn tơdroăng khôp Phop kong pơlê Dak Nông hiăng tơlo châ 142 tâ̆n kế tơmeăm ki hơ-ui kum mê cho phái, kơchâi, pôm ló, priât, plâi mit, tơ-uâ, ƀơr... kum rơpŏng kuăn pơlê a kơpong ki tâ pơreăng.

A Tơring Dak Glong kum lối 70 tâ̆n plâi, pôm, ƀơr, kơchâi drêh hiăng châ khu pleăng hnoăng tơná tơkŭm pơtroh a Pơlê kong kân. A tơring Dak Song ƀă tơring Tuy Đức ai lối 60 tâ̆n kơchâi, plâi, pôm ƀă 6 rơpâu pŭm kơtâ í xuân châ kuăn pơlê veăng tơlo kum ăm kuăn pơlê a kơpong tâ pơreăng.

Gương tơplôu ƀă tơbleăng