VOV4.Xơ Đăng - Kơxê lơ 11/1, Kuô̆k hô̆i hôp mơgêi, têk kŏng môi tuăn tơbleăng ăm pêi pro tơdroăng tơkêa bro ƀă 4 pơkâ. Tung mê, 4 pơkâ, mê cho: Pơkâ ‘na hâi khế xo hnoăng mơhá liăn ngân vâ tŏng kum Tơdroăng pro tơniăn ƀă mơnhông mơdêk cheăng kâ – rêh ối pơlê pơla, Pơkâ ‘na Troăng hơlâ mơ’no liăn Tơdroăng tơkêa bro mơjiâng troăng ăm phêp rơxế kơtâu têi Peăng kơnhŏng tơnêi têa – Peăng hdroh tơnêi têa hneăng hơnăm 2021 – 2025, Pơkâ mơnúa mâu troăng pơkâ pêi, troăng hơlâ ki phá tơ-ê mơnhông mơdêk pơlê kong kân Cần Thơ ƀă Pơkâ hneăng hôp ôh tá tối hdrối má môi, Kuô̆k hô̆i hneăng má XV.

Tâi tâng a roh hôp ôh tá tối hdrối, Kuô̆k hô̆i hneăng má 15

Tung mâu roh hôp tơpui tơno a tôh xuân môi tiah tơpui tơno mơ’no tơdrêng tung um pơla kố nah, ngăn tơdjuôm mâu rơkong tơpui pơrá kheăn kơdeăn tơdroăng Kuô̆k hô̆i hôp ôh tá tối hdrối vâ séa ngăn mâu tơdroăng xiâm ki thâ tiô hnoăng vâ teăm tơdrêng tah lôi mâu tơdroăng pá puât, tơvâ tơvân ki nếo ai, veăng pro tơniăn ƀă mơnhông mơdêk cheăng kâ.

A Sa Ly tơplôu ƀă tơbleăng