VOV4.Sêdang - Pơtối roh hôp má 2, Kuo#k ho#i hneăng 14, kơxê lơ 10 khế 11, Kuo#k ho#i hiăng tơpui tơno a hngêi hôp kân ‘na tơdroăng tơkêa bro Luât pơkuâ, rak ngăn tơmeăm khoăng Tơnêi têa (‘mâi hơ’lêh). Tơpui tơno a Hngêi hôp kân, mâu kăn hiăng mơnhên tối ‘ló khât mâu tơdroăng ki nếo chêh tối tung kơxop mơ-éa Luât ‘na rôe tơmeăm khoăng tơchuâm; xúa, dâi mâu tơmeăm khoăng tơnêi têa tiô túa ki ‘no liăn rôe xúa tơchuâm, lơ rôe phá xê lơ ăm mung. Maluâ ti mê, ai mâu kăn tối tiah kố: Vâ mơnhên tối tơmeăm khoăng tơchuâm kal athế séa ngăn [ă pêi pro tiô Luât má 53 dêi kơxop mơ-éa luât ki hiăng pơkâ a hơnăm 2013. Mơnhên tối inâi tơmeăm khoăng tơchuâm, tung mê ai tá têa, tơmeăm khoăng tung kơdâm tơnêi, tơmeăm ki xúa xo ing kơpong têa kơx^, tung kong kế, mâu tơmeăm khoăng ki ai xêh tung kong kế ki ê, [ă mâu tơmeăm khoăng ki xua tơnêi têa ‘no liăn rôe, pơkuâ rak ngăn [ă hía hế. ‘Na rôe xúa mâu tơmeăm tơchuâm, mâu kăn hiăng pâ thế tung luât kal athế chêh tối i nhên, kơlo ki xúa dâi mâu tơmeăm tơchuâm môi tiah rơxế ôtô, hngêi pêi cheăng, hngêi ối vâ tơniăn ăm tơdroăng rêh ối, pêi cheăng, athế tối tơdrăng, [ă tơtro pơla mâu kơ koan, khu pơkuâ cheăng, đông lêng, mâu ngế ki ê xúa tơmeăm tơchuâm tung khu kăn pơkuâ ngăn kong pơlê, tơring, cheăm.

Nhat Lisa tơplôu [ă tơbleăng