VOV4.Sêdang -  Pơtối hôp roh má môi, Kuô̆k hô̆i hneăng 15, hâi kố lơ 22/7, mâu kăn tơmâng mâu tơdroăng tối tơbleăng ki kal, tung mê ai tối tơbleăng mâu tơdroăng pơkâ mơnhông cheăng kâ - rêh ối, liăn ngân tơnêi têa 6 khế apoăng hơnăm ƀă mâu troăng rơhlâ pơkâ mơnhông cheăng kâ rêh ối liăn ngân tơnêi têa 6 khế mơ’nui hơnăm; pơkâ mơnhông cheăng kâ- rêh ối 5 hơnăm 2021-2025. Pơtối mê cho tối tơbleăng dêi Vi ƀan xiâm tơnêi têa Măt trâ̆n tơnêi têa Việt Nam tơkŭm tâi tâng mâu tơdroăng, pâ thế dêi kuăn pơlê ƀă pơtroh ăm rôh hôp má môi, Kuô̆k hô̆i hneăng 15; Hlá mơ-eá tơbleăng ăm râ kơpêng séa ngăn ‘na pơkâ mơnhông cheăng kâ - rêh ối 5 hơnăm 2021-2025.

Kuô̆k hô̆i tơmâng ƀă tơpui tơno ‘na pơkâ mơnhông cheăng kâ -rêh ối

Peăng kơxê, Kuô̆k hô̆i tơpui tơno a tôh ‘na tơdroăng tối tơdroăng pêi pro tơdroăng pơkâ mơnhông cheăng kâ - rêh ối, liăn ngân tơnêi têa 6 khế apoăng hơnăm ƀă mâu troăng rơhlâ pơkâ mơnhông cheăng kâ rêh ối, liăn ngân tơnêi têa 6 khế mơ’nui hơnăm 2021; pơkâ mơnhông cheăng kâ - rêh ối 5 hơnăm 2021-2025.

Gương tơplôu ƀă tơbleăng