VOV4.Sêdang - Tung pơla pơreăng êi troăng xôu ki râ xua túa pơreăng ki nếo dêi virus Corona, ối khe#n cho Covid-19 dế pro ôh tá tơniăn, mâu kơ koan ki ai tơdjâk troh kong pơlê Lâm Đồng hiăng châ ‘nâi hên tíu pơreăng kơ-ôk í peâp tâ tú a mâu kong pơlê, pơlê kong kân ki ê [ă hiăng ai lối 100 rơpâu to í peâp athế prâu tah tâp kơđu. Hlo ai tơdroăng kố, mâu tíu pêi cheăng, tơring, cheăm tung kong pơlê Lâm Đồng hiăng tối tơbleăng mâu troăng hơlâ ki apoăng vâ hbrâ mơdât pơreăng rak vế tơdroăng ki pơreăng tâ tú troh mơngế.

A mâu tíu ki séa ngăn mâu kuăn kiâ xuân ối gâk ngăn plâ hâi plâ măng vâ séa ngăn tơniăn ki tê mơdró, pơkâ tơleăng kơtăng mâu ngế ki xôi luât tê mơdró í peâp ôh tá nhên xiâm kối, tơdrêng amê hnối xôh pơkeăng a mâu rơxế ki chơ í peâp, hbrâ mơdât ôh tá ăm pơreăng kơ-ôk í peâp mot tung kong pơlê.

Katarina Nga tơplôu [ă tơbleăng