VOV4.Sêdang - Sap apoăng hơnăm troh nôkố, kong pơlê Lâm Đồng hiăng châ ‘nâi [ă chêh bro hlá mơ-éa pơxâu 1 rơpâu 140 hdroh xôi ‘na Luât rak ngăn [ă pêt mơjiâng kong. Maluâ kơxo# hdroh ki pro xôi hiăng kơdroh 22% tâng vâ pơchông ngăn [ă roh kố dêi hơnăm nah, la mâu tơdroăng pơkuâ ngăn [ă rak vế kong a kong pơlê kố ối trâm hên tơdroăng ki pá, kơxo# khu ngế ki lăm tong ko kếo loăng, ‘nhê kong xuân ối hên, pro 100 ha kong ilâng tro ko ‘nhê tâi tâng. Tơdroăng tơbriât tơnêi ôh tá tro luât vâ pêi chiâk pêi deăng xuân cho tơdroăng ki dế hơkăng ó dêi kong pơlê, ki hên tơnêi kong tro hni tơbriât, tro tung tơdroăng tơkêa bro ki hiăng ai hlá mơ-éa phêp ‘no liăn dêi khu mơdró, tơku\m hên cho a mâu tơring Đức Trọng, Lâm Hà, Di Linh [ă Bảo Lâm. Vâ ‘mâi rơnêu tơdroăng kố, mâu kơ koan ai tơdjâk dêi kong pơlê Lâm Đông dế thăm pêi pro kơtăng khât ‘na pơkuâ ngăn, rak vế kong, tơru\m [ă mâu khu râ, kơvâ cheăng tí tăng séa ngăn, lăm tăng rup khu ki ‘nhê kong, malối a mâu pơlê cheăm ki ai hên ngế hmâ kếo loăng. {ă mâu khu mơdró kâ mơ’no tơdroăng tơkêa bro lôi ai tơdroăng kếo ‘nhê loăng tung kong ki hiăng hdró xua ai khu rak ngăn, mê kong pơlê kô pơxâu tiô tơdroăng mơdrếo hlá mơ-éa tơkêa bro, lơ mơdrếo xo môi pâ tơdroăng tơkêa bro tiô tơdroăng pơkâ dêi luât.

Nhat Lisa tơplôu [ă tơbleăng