Nếo mơdâ klêi 5 sào kơchâi cần, 5 sào ngò xú ho\m, ngoh Nguyễn Văn Trường, a pơlê kân Liên Nghĩa, tơring Đức Trọng, pơtối tăng mung tơnêi vâ pêt kơchâi hơlât. Ngoh ăm ‘nâi, nôkố yă tê mâu kơchâi drêh dế to kơnâ mê mâu khu ki pêi kơdrum ki lâi xuân dế mơdâ hdrê ‘mâi mơnhông tơdroăng cheăng kâ.

‘’Nôkố rơpo\ng á tơnêi pêi ôh tá ai hên mê á tăng mung tơ’nôm tơnêi vâi vâ pêt kơchâi, tơdrêng amê hnối tơru\m tơ’nôm [ă mâu rơpo\ng kuăn pơlê ki ê tung kong pơlê po rơdâ tơ’nôm tơnêi vâ pêt hên hdrê  kơchâi’’.

Yă kơchâi tê a Đà Lạt dế to kơnâ, kơchâi tá hâi troh rơnó kriê xo hiăng châ mâu khu ki roê pơkâ vâ roê. Ngoh Lê Văn Đức, ngế ki pơkuâ tíu ki tê kơchâi a pơlê kong kơdrâm Đà Lạt ăm ‘nâi, rêm hâi tíu kố xo hên đơn tơmeăm pơtroh. Nôkố rêm hâi tíu kố tê ăm kơchơ lối 10 ta#n kơchâi tu\m túa.

‘’Yă tê nôkố gá tơniăn, tơniăn tâ tâng vâ pơchông [ă rơnó hdrối ai pơreăng nah. Nôkố hiăng ôh tá ai pơreăng xếo mê mâu kơchâi ki tê hên tâ [ă yă tê to kơnâ troh 30 – 40% tâng vâ pơchông [ă apoăng hơnăm’’.

Ôh ti xê to mâu hdrê kơchâi drêh tê châ yă mê mâu hdrê reăng a Đà Lạt xuân dế to kơnâ. Laga, mâu ngế ki pêt reăng xuân tá hâi phiu ro khât xua tơdjâk dêi pơreăng, reăng châ pôe xo tung pơla kố bu iâ. Nâ Nguyễn Thị Thủy, a pơlê reăng Vạn Thành, pơlê kong kơdrâm Đà Lạt ăm ‘nâi:

‘’Rôh kố yă reăng tê kơnâ tâ tâng vâ pơchông [ă hdrối ai pơreăng nah la reăng bu iâ. Kơxo# reăng bu ối 1/10. Kơxo# reăng kơdroh xua rôh ai pơreăng nah vâi ko ‘nhiê dêi. Tơdrêng amê xua kong prâi ôh tá tơniăn mê reăng hlâ răng, lơ u\m tâi’’.

Tiô Khu ngăn cheăng kơmăi kơmok [ă tê mơdró Lâm Đồng ăm ‘nâi, sap ing mơ’nui khế 4 nah troh nôkố, tơdroăng ki tê reăng ngi kong têa ê châ vâ chê 21 rơtuh dollars. Maluâ kơchơ tê kơchâi, reăng ngi kong têa hiăng hlo tơ-[rê, laga, athế sap ing 6 – 12 khế vâ ‘mâi mơnhông tơdroăng pêt mơjiâng.

Tuấn Anh chêh

Katarina Nga tơplôu [ă tơbleăng