VOV4.Sêdang - Klei kơ’nâi tơdjâk dêi pơreăng Covid-19, tơdroăng tê kơchâi reăng a Lâm Đồng hiăng hlo chía tơ-[rê iâ. Mâu ki pêi cheăng phiu ro drêng pêt kơchâi reăng xuân châ tê tâi [ă tê hlối ai yă. Yă kơchâi reăng a Đà Lạt dế to kơnâ, kơchâi hâi troh rơnó kêi hiăng ai mâu ki rôe lăm tơhrâ vâ rôe.

Khu pêt kơchâi hâk phiu xua yă to kơnâ

Ôh tá xê to ai mâu kơchâi drêh tê ai yă mê mâu kơchâi reăng a Đà Lạt xuân dế to kơnâ. La mơngế ki pêt reăng ôh tá ro xua tơdjâk dêi pơreăng, reăng ki châ xo a pơla kố oh tá hên. Tiô khu ngăn ‘na tê mơdró kong pơlê Lâm Đồng, sap ing mơ’nui khế 4 troh nôkố, tơdroăng tê reăng chôa hơ’lêh. 5 khế apoăng hơnăm, kơvâ pêt reăng hiăng tê ăm kong têa ê châ 21 rơtuh dollars. Mơhé tơdroăng tê kơchâi reăng ăm kong têa ê hiăng hlo hên vâi vâ rôe, la xuân thế tâi sap 6-12 khế mê nếo châ mơnhông tơdroăng pêi pêt.

Gương tơplôu [ă tơbleăng