Hmâ [ă tơdroăng pêt reăng cúc tung hên hơnăm, la hâi hlo hơnăm ki lâi rơpo\ng ngoh Võ Ngọc Dương ối a thôn Đăng Lèn, pơlê kân Lạc Dương, tơring Lạc Dương tro lu\p hên môi tiah hơnăm kố. 1 sào tơdế tung kơxo# 3 sao reăng cúc pêt tung kơdrum hngêi nhe\ng dêi rơpo\ng pôa, hiăng hlâ ki ‘nâ ôh pá kâi vâ xông rêh nếo, ôh tá châ xo reăng.

Kơdrum reăng cúc ngoh Đức tro pơreăng kâ ‘nhiê lối 90%

Ngoh Dương ăm ‘nâi, rôh apoăng xo hdrê pêt reăng xông le\m tơpo reăng tơ’mô, la troh a khế má 2, loăng ôh tá kâi xông rơdêi xếo rế vâ kr^n, pơxiâm hlo u\m hlá, u\m rêi [ă rế hlâ vâ tâi.

‘’Nôkố tâng re\ng pui tah, tơruih reăng hên. Rơnó kố kong tô mơdrăng ó xua mê pơreăng kô rế tơ’lêi xông tâ tú. Kuăn pơlê akố hâi ‘nâi xiâm gá ing lâi reăng chiâng hlâ môi tiah mê. Bú tâng Khu ngăn [ơrô ‘na chiâk deăng tối cho xua ing môi túa virus ki tơviah, troăng tâ tú ing mâu kuăn kiâ ki  cho tâng măng tri trôu. Kuăn pơlê ôh tá ‘nâi pro ti lâi vâ kơdê oâ hdrong ki mê’’.

Tung tơdroăng ki môi tiah mê, 1.000 met karê reăng cúc, tiô tối hdrối kô châ pôe xo dêi a rôh po leh Phât Đản dêi ngoh Trần Đức Hiệp ối a thôn Đăng Gia Zit B, pơlê kân Lạc Dương xuân hiăng hlâ chôa vâ tâi há klêi hlo hên ki ngrế ngró prăng rơmo\n a kông loăng [ă hlá reăng mê ho\n rêa tr^ng. Rơpo\ng hngêi hiăng xúa hên pơkeăng xôh vâ kơdê la ôh tá hlo tơ-[rê.

‘’Á ‘no liăn rôe pơkeăng xôh dêi loăng reăng tơná hiăng tro pơreăng kâ ‘nhiê la xuân ôh tá kâi hlo tơ-[rê. Kơdrum reăng a nôkố hiăng răng ho\n tâi xua pơreăng kâ ‘nhê vâ tối lối 90%. La ngiâ kố ah a kô hơ’lêh pêt loăng plâi ki ê ôh tá pêt xếo reăng cúc kố’’.

Ngoh Dương pui tah dêi mâu xiâm reăng cúc ki tro pơreăng kâ ‘nhiê

{ă deăng pêt reăng tro pơreăng kâ hên h^n, hên mâu ki pêt reăng hiăng pui tah dêi reăng ki tro pơreăng kâ ‘nhiê ‘măn dêi hơ’gok hơ’gâ drô k^ng troăng pơlê kân Lạc Dương, ki ‘nâ hía hvât dêi a têa Đan Kia. Tơdroăng pro mê thăm rế tơ’lêi pro pơreăng chiâng tâ tú pá vâ séa ngăn. Pôa Nguyễn Phú Việt - Kăn pho\ hnê ngăn Vi [an pơlê kân Lạc Dương ăm ‘nâi, mâu rơpo\ng kuăn pơlê prâu tâi dêi reăng cúc ki tro pơreăng vâ tơniăn ăm tơdroăng pêi pêt:

‘’ ‘Na mâu kăn kong pơlê, [ă pơreăng kâ ‘nhiê reăng cúc ngin kô rah thế mâu ngế tơru\m [ă kơ koan cheăng ‘na tơdroăng kố lăm troh mơnhên vâ ‘nâi xiâm ga ti lâi, túa hbrâ mơdât pơreăng gá ti lâi. {ă mâu kơdrum reăng cúc tro tâ tú pơreăng tiah mê kô prâu tah vâ ví pôi tá tâ tú pơreăng a deăng ki ê ’’.

Tiô pôa Nguyễn Duy Hưng- Kăn pho\ ngăn [ơrô ‘na chiâk deăng [ă mơnhông mơdêk thôn pơlê, tơring Lạc Dương, nôkố ai lối 400 hectar tơnêi pêt mâu hdrê reăng, tung mê ai 200 ha pêt to reăng cúc. La troh nôkố hiăng ai lối 60 hectar hiăng tro pơreăng kâ ‘nhie nếo a cheăm Dà Sar, Dà Nhim. Pôa Nguyễn Duy Hưng tối ăm ‘nâi, pơreăng kâ ‘nhiê tiô troăng hơlâ kố thăm rế pâ vâ kơdê, mâu ki pêt kal thế pêi pro tro tiô pơkâ pêt reăng cúc hiăng châ hnê, pak^ng mê, thế po văng nhâ krúa [ă kơdrum reăng a mâu tíu hiăng tâ pơreăng:

‘’Pơreăng kố hâi ai pơkeăng kơdê. Peăng Khu ngăn ‘na hdrê loăng plâi –pơkeăng xôh kơdế ôa hdrong xuân môi tiah Khu ngăn ‘na chiâk deăng tơring xuân hiăng hnê tối ăm kuăn pơlê ing mâu rôh po lâm hnê kih thuât, troăng hơlâ hbrâ mơdât pơreăng. Hnê tối ăm kuăn pơlê rôe hdrê ki le\m vâ pêt, klêi mê po văng krúa le\m dêi kơdrum vâ pêt reăng.

Tuấn Anh chêh

Gương tơplôu [ă tơbleăng