VOV4.Sêdang - Kơxo lơ 7/7, vâ chê 14 rơpâu ngế hok tro dêi kong pơlê Lâm Đồng hiăng klêi tơ’noăng môn apoăng dêi hneăng tơ’noăng mơgêi hriâm râ má pái phôh thong. Ăm hlo môn tơ'noăng apoăng a Lâm Đồng tơniăn ôh tá ai tơdroăng klâi, hok tro pro tro tiô luât pơkâ, ôh tá ai ngế ki pro xôi luât pơkâ, ôh tá hlo ai tơdroăng klâi. Vâ rak tơniăn ăm hneăng tơ’noăng, pakĭng tơdroăng kring gak tơniăn hngêi trung, tơniăn troăng prôk, kong pơlê Lâm Đồng ối tơmâng khât mâu tơdroăng hbrâ mơdât COVID-19.

Lâm Đồng: môn tơ’noăng apoăng hlo tơniăn, ôh tá ai tơdroăng klâi

Tâi tâng 39 tíu tơ’noăng tung kong pơlê, hiăng ‘măn ăm têa xếo kŏng, kơƀŏng, têa pơkeăng kơdê pơreăng, kên pâng môh rơkong khăm ngăn châ chăn ăm mâu hok tro ƀă kăn ƀô̆ ngăn tơ’noăng. Tơdrêng amê, tơdroăng veăng kum cheăng rơnó tơ’noăng châ mâu đoân viên, droh rơtăm tung kong pơlê mơdêk veăng pêi.

Gương tơplôu ƀă tơbleăng