Drêng ai pơrea\ng COVID-19 xông tâ tú, [a\ 5 sao tơnêi pêt loăng yâu, rơpo\ng nâ Nguyễn Thị Hoa, ối a cheăm Dà Rsal, tơring Dam Rông, kong pơlê Lâm Đồng đi đo păn sap ing 2 troh 3 kơhôp kơtâ hdrong tằm, châ xo liăn tơkâ lối 15 rơtuh liăn klêi kơ’nâi tơdế khế. Laga tung pơla achê kố, yă pơ-xéa hdrong chu rơpâ pro rơpo\ng ôh tá châ xo liăn tơdroăng păn hdrong xo prế:

‘’Apoăng hơnăm á păn 160 rơpâu môi kilô pơ-xéa hdrong, nôkố yă bu u ối 90 rơpâu liăn ai drêng chu 80 rơpâu liăn môi kilô, xua mê á xuân kho ôh tá vâ păn xếo. Laga tâng lôi păn hdrong pêt loăng yâu xuân mơjo há, tâng loăng yâu pin mung vâi păn mê tro lu\p ó’’.

Mơngế păn hdrong xo prế trâm pá drêng pơ-xéa hdrong kơdroh

Môi tiah mê, pôa Nguyễn Văn Quang, ối a pơlê Đinh Văn, tơring Lâm Hà xuân ôh tá châ liăn hên [a\ tơdroăng păn loăng yâu che\m hdrong xo prế:

‘’Roh kố mơhúa bu tu\m liăn phon ôh tá bê liăn mơ’no pêi. Tối tơdjuôm ai loăng yâu á thế păn hdrong, laga xuân ôh tá hêng vâ păn xếo. Xua liăn hdrê [a\ phon [a\ hâi mơ’no pêt păn rak ngăn xuân tâi’’.

Jâ Nguyễn Thị Hương môi ngế pơkuâ tíu păn hdrê hdrong [a\ rôe pơ-xéa hdrong a tơring Lâm Hà tối: Ôh tá xê to păn hdrong prế trâm pá mê hên tíu rôe pơ-xéa hdrong xuân ôh tá rôe xếo xua mâu khu tê mơdró ôh tá châ tê prế ngi kong têa ê.

‘’Krê pơ-xéa hdrong kố hâi má 4 tá hâi tê mê cho kuăn pơlê pá, troh tíu ki rôe tơ’nôm 3 hâi nếo cho 7 hâi tâng ôh tá ‘măn tung hnôu hngiú mê gá hlâ. Yă pơ-xéa hdrong chu kơdroh xuân hơ-ui ăm kuăn pơlê, laga nôkố khu ki păn hdrong prế xuân ôh tá ‘nâi pro ti lâi xua ôh tá ai liăn’’.

Pơ-xéa hdrong pá vâ tê xua pơrea\ng Covid-19

Pôa Phạm Phi Long, Kơ koan xiâm pơkuâ ‘na păn mơnăn mơnôa – pơlât mơnăn [a\ ká xi xo\ng kong pơlê Lâm Đồng pơchân: Tâng yă pơ-xéa hdrong chu rơpâ mơngế păn hdrong tằm kal kơdroh kơxo# hdrong vâ păn, tơdrêng amê thế ko tah loăng yâu ki hiăng krâ [a\ rak ngăn loăng yâu ki nếo pêt.

‘’Xua kơchơ tê mơdró Ấn Độ tá hâi châ vâ tê mơdró xua pơrea\ng Covid-19, pro mơngế pêt loăng yâu, păn hdrong xo prế trâm pá tung tơdroăng tê tơmeăm. Laga ngin xuân pơchân kuăn pơlê nôkố thế pêt [a\ mơjiâng pro pơ-xéa hdrong tiô troăng tơniăn, ai tu\m pơ-xéa hdrong’’.

Yâu cho môi tung 6 loăng plâi ki pêi lo liăn dêi kong pơlê Lâm Đồng troăng mơjiâng pro tê mơdró lâp tơnêi têa. Xuân [a\ tơdroăng mơ-eăm tơkâ hluâ pá puât, mơngế pêt loăng yâu păn hdrong xo prế [a\ tê mơdró hdrong xo prế a kong pơlê kal châ tơdroăng to\ng kum tơtro [a\ teăm tơdrêng.

Tuấn Anh chêh

A Sa Ly tơplôu [ă tơbleăng