Ahdrối chô to lâm tơdroăng apoăng dêi mâu thái cô hngêi trung râ má pái phôh thong hdroâng kuăn ngo ai tíu kâ koi ối pơtê kong pơlê Lâm Đồng cho séa ngăn ki tô tung châ, hnê mơhno hok tro xếo ko\ng [a\ têa ki kơdê pơrea\ng [a\ pâng rơkong môh vâ hbrâ mơdât pơrea\ng Covid 19. A bo cheăng hngêi trung [a\ rêm kơbong hriâm, kơpong hngêi hum, mơdrah xuân ‘măn têa ki xếo ko\ng kơdê pơrea\ng.

Jâ Phạm Thị Hồng, cô pơkuâ hngêi trung tối ăm ‘nâi, mâu troăng hbrâ mơdât pơrea\ng xuân hiăng châ hbrâ rơnáu nhên:

‘’Tung hngêi trung ngin hiăng hbrâ 2 kơbong klâ ăm ối krê, môi kơbong ăm kơnốu [a\ môi kơbong ăm kơdrâi. Drêng ai mâu vâi o kơ-o, kơ-ôk, hngêi trung kô ăm vâi o pơlât prêi kơ-o kơ-ôk mê nếo ăm pơtối vêh hriâm. Hdrối nah, chô ki pơtê hriâm mâu vâi o kô chiâng lo pakong rôe kế tơmeăm laga tung rơnó hbrâ mơdât pơrea\ng kố ngế gâk kring [a\ pơkuâ hngêi ăm kâ koi ối pơtê ôh tá ăm hok tro lo pakong. Mâu hok tro ki lâi kal rôe tơmeăm mê chêh a mơ-éa ăm thái cô pơkuâ lâm, mê thái cô kô lăm rôe ăm vâi o’’.

Châ pơtối vêh hriâm klêi kơ’nâi hên khế pơtê hriâm o K’Tuys hok tro lâm 12 E, Hngêi trung râ má pái phôh thong ai tíu kâ koi ối pơtê kong pơlê Lâm Đồng [a\ hr^ng ngế hok tro ki ê pơrá sôk ro. K’Tuys tối, kô rơtế mâu pú hmâ pêi pro tu\m mâu troăng hbrâ mơdât pơrea\ng tiô pơchân dêi hngêi trung vâ kêi đeăng hơnăm hriâm.

‘’Á o đi đo pêi pro tiô pơkâ dêi hngêi trung [a\ tơmâng rơkong thái cô hnê tối môi tiah pâng rơkong môh, kâ koi a kơbong ôh tá lo lăm pakong. Xua ối tung hngêi trung kô tơniăn ăm ivá châ chăn dêi tơná [a\ mâu pú hmâ, drêng lo pakong mê kô tơ’lêi djâ pơrea\ng mê cho rơ-iô ‘nâng’’.

Hok tro a Lâm Đồng pâng rơkong môh hbrâ mơdât pơrea\ng drêng pơtối vêh hriâm a hngêi trung

Rơtế [a\ thái cô, hok tro, mâu nôu pâ xuân mơdêk hlê ple\ng tơniăn rak vế ivá châ chăn ăm mâu vâi o drêng pơtối vêh hriâm a hngêi trung. Hdrối nah pơto kuăn ‘ne\ng mot tung plông hngêi trung, mê nôkố tot a bo cheăng hngêi trung ăm hok tro mot môi ngế xêh tung hngêi trung. ‘Na tơdroăng tơku\m po hnê hriâm, jâ Phạm Thị Hồng Hải, Kăn pơkuâ Hnê hriâm [a\ Hnê mơjiâng tuăn ngôa rơkê kong pơlê Lâm Đồng tối ăm ‘nâi, mâu tơdroăng tơku\m xah hêi tơdjuôm a mâu hngêi trung kô pơtê pơtân.

Mâu hngêi trung thế pêi pro chôu mot hriâm, pơtê xah hêi, klêi hriâm tơdâng pơla mâu khu vâ pro kơtăn [a\ pơchân hok tro ôh tá tơku\m tung chôu pơtê xah hêi:

‘’Hngêi trung thế pôu râng hnoăng tơbleăng ăm kăn [o#, thái cô, mâu ngế pêi cheăng [a\ hok tro khăm dêi ki tô tung châ ahdrối vâ troh hngêi trung. {a\ tâng ai kơbố tơngê, kơ-o, ôh tá kâi hiâm mê thế tơbleăng tơdrăng [a\ thế troh hngêi pơkeăng vâ châ khăm ngăn, hnê mơhno pơlât ôh tá chiâng troh hngêi trung vâ ví tâ tú ăm mơngế ki ê. Hngêi trung xuân thế pơtâng ăm hok tro pêi pro kơtăng tơdroăng pâng rơkong môh drêng mâu vâi muăn lo ing hngêi troh a hngêi trung. Tơdroăng tơku\m po ăm hok tro kâ, ối pơtê tung hngêi trung thế krúa le\m tơmeăm kâ [a\ tơtro\ng rak tơniăn hbrâ mơdât pơrea\ng’’.

Troh nôkố, Lâm Đồng tá hâi châ hlo ngế ki lâi tro tâ virus SARS – CoV-2. Laga [a\ hiâm mơno ôh tá tơngôu [a\ pơrea\ng, mâu hngêi trung a Lâm Đồng xuân pơtối pêi pro mâu troăng mơgrúa hngêi trung, lâm krúa le\m vâ hok tro hmiân tuăn drêng pơtối vêh hriâm a hngêi trung.

Tuấn Anh chêh

A Sa Ly tơplôu [a\ tơbleăng