VOV4.Sêdang - Kơxo lơ 15/6, Tíu xiâm Séa ngăn châi tamo Lâm Đồng ăm ‘nâi: Nôkố, kong pơlê Lâm Đồng dế pêi pro kơtăng mâu tơdroăng pơkâ ‘na krâ ối krê ƀă séa ngăn SARS-CoV-2. Ƀă tơdroăng ki klâ ăm ối krê tơkŭm, tung pơlâ hâi khế pơkâ cho 21 hâi klâ ối krê a hngêi sap ing hâi ki pơxiâm klâ krê ƀă séa ngăn SARS-CoV-2 âm tĭnh rôh má 3.

Ƀă mâu ngế ki klâ ối krê a hngêi, klâ ối krê a tíu ki rêh ối, hâi khế cho 14 hâi sap ing hâi ki pơxiâm klâ ối krê, rôh má mơ’nui séa ngăn SARS-CoV-2 âm tĭnh kô châ hơ’lêh séa ngăn ivá a hngêi 7 hâi. Mâu ngế ki klâ ối krê a hngêi, a tíu rêh ối pêi pro tiô pơkâ dêi Vi ƀan hnê ngăn cheăm, bêng, pơlê kân tíu ki vâi rêh ối; tơdrêng amê athế châ tơdroăng séa ngăn dêi mâu tôh ki séa ngăn COVID-19 pơlê pơla.

Kăn ƀô̆ ngăn pơkeăng a kong pơlê séa ngăn ivá ngế ki klâ ối krê rêm hâi, séa ngăn ki tôu a châ 2 hdroh tung môi hâi, rak tơniăn mâu troăng hơlâ hbrâ mơdât pơreăng tiô pơkâ dêi Khu xiâm ngăn pơkeăng ƀă khăm pơlât.

 Katarina Nga tơplôu ƀă tơbleăng