Tiô ko\ng an tơring Dam Rông, bú riân to a cheăm Dă Long hiăng ai ki vâ iâ hlái troh 100 rơpo\ng athế châ kơtâu ton lăm pro pơlê nếo, ối tung mâu kơpong kong kơxo# 26 [ă 27 ối tung Kong ilâng tơnêi têa Bidoup Núi Bà, tơring Lạc Dương vâ pro rơpăm, ko ‘nhê kong [ă tơbriât kong ôh tá tro luât vâ pro pơlê nếo [ă hnối pêi chiâk deăng. Tơdroăng kố pro pá ó ‘nâng ăm tơdroăng pơkuâ rak ngăn kong, xuân ai tơdjâk troh tơdroăng rêh ối tơniăn tung kơpong. Hlo ai tơdroăng mê, Ko\ng an tơring Dam Rông hiăng tơru\m cheăng [ă khu kăn pơkuâ rêm râ, mâu khu pơkuâ cheăng akố athế mơnhông mơdêk tơdroăng hnê tối, mơhnhôk [ă lông mâu rơpo\ng hdroâng kuăn ngo akố prếo dêi kơtâu ton vâ rêh ối. Pôa Ha Neh, Kăn pơkuâ ngăn ko\ng an cheăm Dă Long, tơring Dam Rông tối ăm ‘nâi:

‘’Pin athế tơngah khu ngế ki rơkê, lơ rơpo\ng hngêi, hdroâng hdrê vâi ki mê, malối cho mâu krâ pơlê ki rơkê, xuân cho nho\ng o hdroâng hdrê tơná vâi i hnê tối, lông mơhnhôk. Ing tơdroăng ki hnê mơhnhôk tiah mê, xuân hiăng hlo ai mâu rơpo\ng ki prếo vêh rêh ối dêi a kơtâu ton, klêi mê, pin tối tơbleăng ăm khu kăn pơkuâ vâ mâu rơpo\ng ki mê chêh pro hlá đơn tơkêa ôh tá tơbriât ko ‘nhê kong xếo’’.

{ă túa pêi pro tiah mê, mâu krâ pơlê, mâu kăn pơlê, mâu ngế ki châ kuăn pơlê loi tơngah tung thôn pơlê hiăng rơtế [ă khu kăn pơkuâ, khu cheăng tơdroăng kal kí a pơlê cheăm [ă khu ko\ng an athế kơhnâ khât tung tơdroăng hnê tối, lông mơhnhôk kuăn pơlê i rak vế tro tiô tơdroăng luât hiăng pơkâ, pêi pro tro mâu troăng hơlâ, túa pơkâ dêi Đảng [ă Luât dêi tơnêi têa. Tiô [ok Tin Lành, inâi Ha Bông, ối a cheăm Dă Long, tơring Dam Rông tối, tơdroăng pêi pro mê ti xê to veăng kum rak vế tơniăn tơdroăng rêh ối ăm kuăn pơlê hdroâng kuăn ngo a tơring, cheăm mê ối kring vế tơniăn tơdroăng rêh ối pơlê pơla. {ok Tin Lành Ha Bông tối tiah kố:

‘’Hdrối mê hía nah, tơnêi têa hiăng to\ng kum hên liăn ngân, tơmeăm kjoăng vâ kum tơniăn ăm tơdroăng rêh kâ ối dêi kuăn pơlê, nôkố vâ lăm tăng ối a tíu ê ôh tá khoh. Kuăn pơlê ngin mơnê Đảng, [ă Tơnêi têa hiăng to\ng kum ngin hên, ‘no liăn mơjiâng pro on tơhrik, troăng prôk, hngêi trung, hngêi pơkeăng tu\m têk tung mâu khế hơnăm hiăng hluâ. Tung pơla mê, vâi krâ-nho\ng o ai tuăn tơmiât vâ prếo vêh dêi a kơtâu ton, tung mê bu ai to kong kế, ôh tá ai chiâk deăng ti lâi khoh chiâng tơniăn tơdroăng rêh kâ ối. Á hiăng hnê tối, tơpui leăng i nhên ăm vâi ti mê, tâng vâi ối kơnhing pro tiah mê, tơkéa vâi pro xơpá ăm dêi châ tơná’’.

Xuân tiô [ok Tin Lành Ha Bông tối, klêi kơ’nâi ai tơdroăng tơru\m cheăng kơhnâ [ă khu kăn pơkuâ cheăm, tơring, ki rơhêng vâ tối cho khu Ko\ng an tơring Dam Rông [ă mâu krâ pơlê, kăn pơlê, mâu ngế ki châ kuăn pơlê loi nguo#m athế rơkê tung tơpui hnê, tơpui chôa ‘lâng, chôu phut kố vâi krâ-nho\ng o hdroâng kuăn ngo ki rêh ối a kơpong kố hiăng ‘nâi nhên [ă kho\m tah lôi tuăn mơno ki tí tăng mot rêh ối tung kong ki ôh tá tro luât.

Cho môi tung mâu ngế ki hiăng lăm tí tăng mot rêh ối tung kong, pro rơpăm vâ tơbriât tơnêi pêi chiâk deăng, pro ôh tá tro luât, chôu phut kố, pôa Liêng Hót Ha Sưng, ối a cheăm Dă Tông, tơring Dam Rông hiăng hlê ple\ng nhên ‘na luât, hiăng rơkê khât tung hnoăng cheăng rak vế ngăn kong, kring vế tơnêi tíu, ing mê rế hía rế châ hơ’lêh khât. Xua ti mê, dế kố pôa [ă hên ngế kuăn pơlê akố hiăng veăng xo rak ngăn kong [ă ngăn mê cho ki xiâm vâ khoh pêi châ liăn mơnhông tơdroăng rêh ối. Pôa Liêng Hót Ha Sưng tối ăm ‘nâi:

‘’Tâng ai ngế ki lâi mê hdroh chôu kong, pro kong tro chếo on mê luât kô tơleăng ngế ki mê. Á đi đo hnê mơhnhôk [ă hnê tối ăm vâi krâ-nho\ng môi tiah mê. Vâ vâi krâ athế kơhnâ tung rak ngăn kong, tâng kơhnâ tung rak ngăn kong mê kô ai têa vâ rêh, hyôh kong prâi kô hơngiâp le\m. Tâng vâ tối tơchuâm, tá mâu kuăn kiâ kong, mâu loăng pơlái, kong kế, ngo ngối pin athế rak ngăn i krâu le\m’’.

{ă jâ Liêng Hót Ka Rưng, ối a cheăm Dă Long tối ăm ‘nâi, klêi kơ’nâi prếo vêh a kơtâu ton, kơnôm ai khu kăn pơkuâ kum ‘na hdrê pêt, hdrê păn, hnê ‘na kih thuât pêi cheăng kâ mê rơpo\ng jâ khoh tơniăn tung tơdroăng rêh ối. Jâ Liêng Hót Ka Rưng tối tiah kố:

‘’Rơpo\ng á do xêh Đảng [ă tơnêi têa ăm phêp mê ngin khoh tiô vâi ki ê mot tung kong, tăng tơnêi vâ pêi chiâk deăng. Klêi kơ’nâi Ko\ng an tơring [ă krâ pơlê hnê mơhnhôk, tơpui leăng mê á [ă rơpo\ng hngêi hiăng prếo vêh a kơtâu ton [ă kơdo mơ-eăm pêi cheăng kâ, rêh ối a tíu ton’’.

Tiô Ko\ng an tơring Dam Rông tối, kơnôm ai tơdroăng tơru\m cheăng kơhnâ khât dêi mâu krâ pơlê, kăn thôn [ă mâu ngế ki châ kuăn pơlê loi nhuo#m mê vâi hiăng hnê tối, hên rơpo\ng hiăng prếo vêh dêi a kơtâu ton vâ pêi cheăng kâ, tăng tơdroăng rêh ối tơniăn. Xua ti mê, kơxo# kuăn pơlê ki lăm mot tung kong vâ rêh ối a tơring, cheăm kố hiăng kơdroh hên tâng vâ ngăn [ă roh hdrối nah. Tối ‘na tơdroăng tơru\m cheăng kố, thươ\ng tă Lê Văn Trúc, Kăn pho\ pơkuâ ngăn Ko\ng an tơring Dam Rông tối ăm ‘nâi:

‘’{ă mâu krâ pơlê, mâu ngế ki châ kuăn pơlê loi nhuo#m vâi ai hnoăng cheăng hnê tối cho kal kân ‘nâng. Vâi hiăng ‘nâi kal athế pơtối hnê tối đi đo, mơhnhôk djâ kuăn pơlê, [ă hnối ai hnoăng tơru\m tơbleăng ăm ko\ng an lông djâ kuăn pơlê ki rêh ối tung kong athế prếo vêh dêi a pơlê, kơtâu ton vâ pêi cheăng kâ tơniăn rêh ối’’.

Dam Rông cho môi tung mâu tơring kơtiê dêi tơnêi têa, ai kơdrâm hdroâng kuăn ngo rêh ối, châ lối 70%. Tung mâu hâi hiăng hluâ, ki hlê ple\ng ‘na Luât rak vế ngăn kong [ă pêt mơjiâng kong akố hiăng châ thăm mơnhông to a kơlo ki ó tâ tâng vâ pơchông ngăn [ă roh hdrối. Khoh chiâng ai tiah mê, kơnôm ai tơdroăng ki thăm mơnhông mơdêk tung tơru\m hnê tối, pơtâng khe\n, lông mơhnhôk dêi khu ko\ng an [ă tâi tâng khu pơkuâ ngăn tơring, cheăm, tung mê, ai hnoăng cheăng ki kân ing mâu krâ pơlê, kăn thôn, mâu ngế ki châ loi nhuo#m a mâu pơlê cheăm.

Nhat Lisa tơplôu [ă tơbleăng