Kong pơlê Lâm Đồng ai lối 15 rơpâu rơpo\ng kuăn pơlê ki pêt kơphế dế châ pơxúa tơdrêng ing tơdroăng tơkêa hơ’lêh hdrê pêt tung pêi chiâk deăng tơniăn a Việt Nam VnSAT. Pák^ng tơdroăng châ to\ng kum kơxo# liăn vâ ‘no pêt, mâu kuăn pơlê pêi chiâk pêi deăng kố ối châ veăng hriâm a lâm ki hnê kih thuât pêt, lăm ngăn [ă hriâm tâp hên túa pơkâ ki tơru\m pêi [ă mơdêk ki kơnía dêi kơphế.

Tiô pôa Nguyễn Thanh Tùng, ối a pơlê kân Đinh Văn, tơring Lâm Hà tối, tơ-[rê dêi tơdroăng ki pêt kơphế tiô troăng krá tơniăn sap ing tơdroăng tơkêa kố gá hlo nhên, tơdroăng ki u ối cho pro tiah lâi vâ mơdêk ki pêi cheăng tơru\m, rak tơniăn ăm kế tơmeăm pêi lo châ tơniăn:

‘’Pêi kơphế tơniăn ton mê ki dâi le\m ‘na kơphế dêi vâi krâ nho\ng o hiăng chía hôm khât. La mâu tơdroăng pá má môi a kố,kế tơmeăm pêi lo vâ châ tê gá pá. Pâ thế dêi kuăn pơlê ki pêi chiâk deăng pro tiah lâi mơdêk tơru\m 4 khu, [ă Tơnêi têa athế tơku\m to\ng kum ăm mâu khu mơdró kâ, mâu khu ki pêi cheăng tơru\m [ă kuăn pơlê pêi chiâk pêi deăng ngin vâ kế tơmeăm pêi lo dêi vâi krâ nho\ng o châ rak tơniăn tâ’’.

Tung pơla tối tơbleăng, tơdroăng tơkêa hiăng [ă dế tơku\m mơhnhôk mâu kuăn pơlê ki pêi chiâk pêi deăng veăng mơjiâng mâu Khu pêi cheăng tơru\m, tôh pêi cheăng tơru\m vâ tơdroăng tơru\m tung pêt mơjiâng [ă tê mơ’no kế tơmeăm châ tơniăn.

Tiô pôa Hà Cường, kăn pơkuâ khu mơdró kâ Ko\ng ti kơphế Mai Hoàng Sang, a Lâm Hà, kong pơlê Lâm Đồng tối, rơhêng vâ châ tơdroăng kố pák^ng ivá mơ-eăm dêi khu mơdró kâ, hnoăng cheăng dêi tơnêi têa tung tơku\m, tơru\m cho kal khât:

‘’Tơdroăng ki pêt mơjiâng dêi kuăn pơlê ki pêi chiâk deăng nôkố xuân ki hên cho pêt mơjiâng xêh, kih thuât ki hên cho [ă tuăn hiâm pêt tiô dêi khôi hmâ, tá hai ai tíu cheăng pơkuâ pôu râng ‘na kih thuât vâ hnê mơhno tiô túa ki nhên ăm kuăn pơlê, mê nếo, xuân tá hâi ai kơbố to\ng kum pro yă tơniăn ăm kế tơmeăm pêi lo dêi kuăn pơlê. Ki rơhêng vâ dêi khu mơdró kâ cho rơhêng vâ tơnêi têa to\ng kum vâ khu mơdró kâ tơru\m [ă kuăn pơlê vâ thăm mơdêk kơphế dêi kong pơlê châ troh hơngế tâ’’.

Pôa Nguyễn Văn Sơn, kăn pơkuâ ngăn ‘na chiâk deăng [ă mơnhông mơdêk thôn pơlê dêi kong pơlê Lâm Đồng ăm ‘nâi, vâ pơtối pêi pro tơdroăng ki vêh pêt lối 27 rơpâu ha kơphế tung 3 hơnăm la ngiâ, pák^ng tơdroăng ki mơdêk ‘no kơxo# liăn kơjo kum dêi Chin phuh, tơdroăng tối tơbleăng pêt kơphế krá tơniăn ton VnSAT xuân kal tơdâng tơ’mô mâu tơdroăng pơkâ. Pôa Nguyễn Văn Sơn, tối:

‘’Má môi, hngêi rak liăn athế hriăn ngăn klêi kơ’nâi pơkâ hâi khế rak vế laih ai 6,5% xo pôi tá tâk troh 9%. Má péa, xuân athế hriăn ngăn pro tiah lâi liăn laih iâ tâ laih ăm mung iâ hơnăm [ă khu ki pêi chiâk deăng môi tiah nôkố, pro tiah lâi pro kơdroh chu ối a kơlo ăm mung tiah hmâ iâ tâ sap ing 1 – 2% vâ pêi chiâk deăng.

Rơtế [ă nôkố ai tơdroăng tơkêa VnSAT, hngêi rak liăn kong têa ê xuân dế ai kơxo# liăn ăm mung vâ mơnhông mơdêk pêi chiâk deăng krá tơniăn pêt kơphế, tơ’nôm tơdroăng pơkâ ăm mung kố vâ ‘mâi hơ’lêh mâu [ăng tơnêi kơphế, tơ’nôm [ă [ăng tơnêi kơphế ki vêh pêt ăm ai plâi kơtốu hên mê ki le\m kô châ 3 ta#n 5 tă’’.

Quang Sáng chêh

Katarina Nga tơplôu [ă tơbleăng