VOV4.Sêdang - Kơxê lơ 23 khế 7, a pơlê kong kơdrâm Đà Lạt, Khu tơru\m ngăn ‘na pêi cheăng kong pơlê Lâm Đồng hiăng tơku\m po Leh tơbâ 90 hơnăm Hâi mơjiâng Ko\ng đoân Việt Nam.

Khu tơru\m ngăn ‘na pêi cheăng kong pơlê Lâm Đồng diâp 2 toăng hngêi tơru\m Ko\ng đoân

A rôh leh, mâu kăn hiăng rơtế dêi rơpó hơ’muăn tối khôi túa ton nah 90 hơnăm dêi Ko\ng đoân Việt Nam. Khu tơru\m ngăn ‘na pêi cheăng kong pơlê Lâm Đồng hiăng khe\n kơdeăn 90 ngế kăn [o#, đoân viên ki rơkê cho mâu ngế krê kơhnâ rơkê tung pêi cheăng [ă tơdroăng cheăng Ko\ng đoân a mâu tíu cheăng, khu mơdró kâ.

Drêng kố, Khu tơru\m ngăn ‘na pêi cheăng kong pơlê Lâm Đồng hiăng diâp 2 toăng hngêi ‘’tơru\m Ko\ng đoân’’ rêm hnoăng kơnâ 50 rơtuh liăn ăm péa ngế đoân viên công đoân ki ai tơdroăng rêh ối xơpá.

Katarina Nga tơplôu [ă tơbleăng