VOV4.Sêdang - Kơxo lơ 6/7, tơpui tơno ƀă khu chêh hlá tơbeăng, teăng mâ Khu xiâm rak ngăn ki tơ-ƀrê, Khu xiâm ngăn hnê hriâm ƀă hnê mơjiâng tuăn ngôa rơkê ăm ‘nâi, riân troh 16h30  hâi lơ 5/7/2021, lâp tơnêi têa ai 11 rơpâu 551 ngế hok tro a 39 to kong pơlê, pơlê kong kân thế tơ’noăng mơgêi hriâm râ má pái rôh má 2, la xua ai tơdjâk pơreăng COVID-19, tung mê, ki hên cho a 2 kong pơlê Bình Định (2.569 ngế) ƀă Bắc Giang (2.477 ngế). Tiô pơkâ dêi khu xiâm ngăn hnê hriâm ƀă hnê mơjiâng tuăn ngôa rơkê, mâu hok tro ki mê kô tơ’noăng mơgêi hriâm râ má pái phôh thong rôh má 2, hâi khế tơ'noăng Khu xiâm ngăn hnê hriâm ƀă hnê mơjiâng tuăn ngôa rơkê kô pơkâ kơ’nâi ngăn tiô kơ tơdroăng ki tâ tú dêi pơreăng.

Mâu hok tro ki u ối ôh tá tơdjâk ing COVID-19 kô tơ’noăng râ má pái phôh thong rôh má 1 sap hâi lơ 7 troh lơ 8/7. Pakĭng mê, Khu xiâm ngăn hnê hriâm ƀă hnê mơjiâng tuăn ngôa rơkê xuân ăm ‘nâi kô séa ngăn điêm vâ mot hriâm đăi hok 1 rôh kơ’nâi tá 2 rôh tơ’noăng mơgêi tơ’noăng râ má pái vâ tơniăn hnoăng ki pơxúa, pro tơdâng tơ’mô ăm mâu hok tro. Xua mê, hok tro tơ’noăng rôh má péa pôi tá tô tuăn ‘na rôh ki séa ngăn điêm vâ mot hriâm đăi hok.

 Gương tơplôu ƀă tơbleăng