VOV4.Sêdang -  A rôh hôp tối tơbleăng tơdroăng pêi pro Rôh hôp má môi, Kuô̆k hô̆i hneăng 15, pôa Bùi Văn Cường, Ngế chêh tôm xo rơkong dêi Kuô̆k hô̆i ăm ‘nâi: Pơreăng COVID-19 dế  tâ tú rơ-iô a hên tíu dêi mâu kong pơlê, laga, tiô luât pơkâ ki hrá gá kơ’nâi hneăng tâ phĭu kô po rôh hôp má môi dêi Kuô̆k hô̆i hneăng ki nếo. Ki xiâm dêi tơdroăng hôp mê, ‘mâi xing xoăng mâu kăn cheăng xiâm dêi Tơnêi têa, mê mâu kăn kô hôp tơkŭm tâ phĭu pơkí. Rôh hôp tối tơbleăng po a hâi lơ 20/7/2021 a Hngêi Kuô̆k hô̆i, mơgêi la hâi lơ 31/7/2021 kô hôp 5 hâi tâng vâ pơchông ƀă tơdroăng tối hdrối.

Pôa Bùi Văn Cường hôp khu chêh hlá tơbeăng

Rôh hôp drêng kố ai hnoăng cheăng pêi ki kal, pro xiâm ăm tơdroăng mơnhông mơdêk dêi Kuô̆k hneăng 15, tung mê ai tơdroăng Kuô̆k hô̆i kô tâ phĭu, kĭ tâi tâng mơngế ki pêi cheăng dêi mâu kăn dêi mâu kơ koan cheăng Tơnêi têa, séa ngăn, tơpui tơno, tối tơbleăng ‘na cheăng kâ-rêh ối ƀă pơkâ mâu tơdroăng kal ki ê.

Gương tơplôu ƀă tơbleăng