VOV4.Sêdang - Khu ki pơkuâ rak kong kế [a\ kong prâi Việt Nam nếo diâp [âng mơnhên loăng cho kế tơmeăm khoăng ki kơnía git Việt Nam [a\ loăng gía a [uôn Ky, bêng Thành Nhất, pơlê kong kơdrâm {uôn Ma Thuột, Dak Lak.

Loăng gía a [uôn Ky hiăng châ 200 hơnăm, xiâm kân châ 17 met, xo\n 50 met, châ ngăn cho môi tung mâu xiâm loăng ki kân má môi tung kong peăng kơnho\ng ki ai xêh, iâ hlo ai loăng kố a pơlê kong kơdrâm {uôn Ma Thuột. Tiah mê, lâp kong pơlê Dak Lak hiăng ai 4 xiâm loăng, loăng kố châ mơnhên kế tơmeăm kơnía git Việt Nam.

Tơdroăng mơnhên loăng cho kế tơmeăm ki kơnía git ôh tá xê pơxúa tung tơdroăng rak vế xiâm loăng kơnía git ton hơnăm kố, ối rak vế gen loăng, kum rêm ngế hlê ple\ng rak ngăn [a\ tâi tâng pơlê pơla rak vế kong prâi, loăng kong kế.

A Sa Ly tơplôu [ă tơbleăng