VOV4.Sêdang -  Tiô Khu hnê mơhno cheăng Tơnêi têa ‘na hbrâ ví khía mơhot têa kân lân lu a mâu kong pơlê Dak Nông, Dak Lak, Lâm Đồng, mâu hâi hiăng luâ hiăng pro 10 ngế hlâ, vâ chê 3.900 toăng hngêi tro têa lu, lối 1.400 toăng hngêi a thế lăm ‘mâi xe#n ối a tíu ê. Vâ chê 21 rơpâu ha báu, prá alâi tro têa lu, lối 4 rơpâu ha hdrê loăng pêt ki ton hơnăm, rơdrê pêt rêm hơnăm [ă hdrê loăng plâi kâ tro tơ’nhiê.53 km troăng hno têa tro tơhnah [ă 4 to rơchoâ tro tơ’niê ó, 24km troăng tro tơhnah tơhnâp, 21 to kông tơ’nhiê. Tiô riân tâi tâng ki lu\p lối 1 rơpâu rơtal liăn. Xua tơdroăng ki ôh tá tơniăn dêi kong mê, Khu hnê mơhno cheăng Tơnêi têa, Nam Bộ pơtối séa ngăn krá tơniăn ‘na kong mêi, têa lân lu vâ hbrâ rơnáu tối tơbleăng mâu troăng hơlâ hbrâ ví, malối cho tơdroăng ki ‘no têa rak tơniăn ăm peăng hdroh.

Tối ‘na tơdroăng ki xahpá ‘na long hngêi kơmăi on tơhrik Dak Kar, kong pơlê Dak Nông, kơdró têa long dế rế xiâ, troh a 6h30 phút kơxo lơ 11/8 a kơlo +473,73m (iâ tâ ki a ‘nhêi dêi rơchôa kâng têa 6,77m). Khu pêi cheăng dêi Kăn hnê mơhno xiâm tơnêi têa ‘na hbrâ ví xía vâ kong prâi pro ôh tá tơniăn pơtối tơru\m tơdrêng [ă mâu kong pơlê Dak Nông, Bình Phước vâ tơbleăng mâu troăng hơlâ hbrâ ví , xua ai tơdroăng xía vâ a hngêi kơmăi on tơhrik Dak Kar. Khu kăn pơkâ thế mâu cheăm tơring kong pơlê séa ngăn vâ ‘nâi tơdroăng kong mêi, hbrâ rơnáo mâu ngế tơmeăm rơxế plong tâng pơtối ai kong mêi kân [ă lơ hlo kơdró têa a long tâl luâ +470,0m vâ tơniăn ăm rơchôa  [ă mâu kơpong ối pá xôp rơchôa.

Gương + Kataringa tơplôu