VOV4.Sêdang - Leh tơbâ 96 hơnăm hâi Hlá tơbeăng Kăch măng Việt Nam lơ 21/6, kơxo lơ 18/6, hên khu râ kăn troh rơkâu, mơhnhôk kăn ƀô̆, ngế chêh hlá tơbeăng, ngế rah chêh hlá tơbeăng, kih thuât dêi Rơ’jíu Việt Nam. Troh lăm pôu ƀă rơkâu Rơ’jíu Việt Nam, mâu khu râ kăn mơnê tơdroăng tơrŭm dêi Rơ’jíu Việt Nam đi đo rơtế [ă khu xiâm, kơvâ cheăng ƀă khu râ kăn pơkuâ kong pơlê pêi pro pơtâng tối troăng hơlâ dêi Đảng ƀă Tơnêi têa troh kơdrâm mơngế hmâng rơ’jíu, kuăn pơlê tung lâp tơnêi têa, ki rơhêng vâ tối cho kuăn pơlê kơpong hơngế hơngo, kơpong hdroâng kuăn ngo, tíu tơkăng kong, rơlố têa kơxĭ.

Khu râ kăn pơkuâ Rơ’jíu Việt Nam mơnhên: Rơ’jíu Việt Nam đi đo chêh tối tơtro, tơdrăng khât, ôh tá tơdjâk pa kong, ai mơhno troăng mâu tơdroăng cheăng kâ – kal kí – rêh ối pơlê pơla dêi tơnêi têa. Khu râ kăn pơkuâ Rơ’jíu Việt Nam pói vâ tung la ngiâ, mâu Khu xiâm, kơvâ cheăng, kơ koan, khu râ Tơnêi têa, mâu kong pơlê kô pơtối tơrŭm krá tơniăn ƀă Rơ’jíu Việt Nam, kô chêh tơbeăng tŭm mâu tơdroăng dêi kơdrâm kuăn pơlê.

A Sa Ly tơplôu [ă tơbleăng