Troh a cheăm Tân An Tây, tơring Ngọc Hiển, kong Cà Mau tung mâu hâi ki kố, hên ngế kô rế hía rế hlo nhên tơdroăng ki hơ’lêh klêi kơ’nâi 7 hơnăm tá troăng hơlâ kal kí [ă kuăn pơlê tơru\m, tơku\m tâi ivá ăm tơdroăng ki mơjiâng thôn pơlê nếo.

Mâu troăng prôk ki kơ’ve\ng kơ’vo\ng, trâp hliâk hdrối nah mê nôkố hiăng châ tôh [ê tông; hên toăng hngêi châ pro ki nếo, krip le\m, tơdroăng rêh ối kuăn pơlê rế hía rế hơ’lêh tâ hdrối nah, ngiâ méa cheăm châ pro hơ’lêh nếo krip le\m há. Tung 7 hơnăm, cheăm hiăng mơhnhôk châ lối 600 rơtal liăn ki tơlo, tung mê, kuăn pơlê veăng kum lối 232 rơtal liăn, châ vâ chê 40%, pêi lo liăn rêm ngế châ 35,7 rơtuh liăn/ngế/hơnăm; kơxo# rơpo\ng kơtiê chu ối 2,8%.

Teăng mâ ăm tâi tâng mâu ngế ki djâ troăng ahdrối ‘na mơjiâng thôn pơlê nếo, kong pơlê Cà Mau, pôa Nguyễn Minh Dương, kăn pơkuâ ngăn chi [o# kơtâu Ông Định, cheăm Tân Ân Tây, tơring Ngọc Hiển, kong pơlê Cà Mau tối: Tơdroăng ki pêi pro pơkâ kơxo# 05 dêi Khu pơkuâ tơdroăng kal kí a kong pơlê rôh apoăng tung tơdroăng rêh ối cho kơnôm ing tơdroăng ki kơhnâ dêi rêm râ Đảng, khu kăn pơkuâ, tung mê, malối tơtro\ng troh tơdroăng ki hriâm tâp [ă pêi pro tiô troăng tơdjâ hiâm mơno Hồ Chí Minh [ă tơdroăng ki pêi pro mâu pơkâ ‘na mơjiâng Đảng pro chiâng tơdroăng ki môi tuăn sap ing peăng kuăn pơlê.

‘’Tơdroăng tối tơbleăng hriâm tâp pêi pro tiô troăng tơdjâ hiâm mơno Hồ Chí Minh, ngin kơhnâ pêi pro tơdroăng pro troăng prôk tung thôn pơlê [ă túa ki veăng kum hâi pêi cheăng, pleăng tơnêi, kum liăn vâ pêi pro tơ-[rê troăng prôk tung thôn pơlê, pro ăm ngiâ méa thôn pơlê a môi kơtâu dêi tíu mơ’nui tơnêi têa châ le\m krip [ă mơnhông mơdêk rế hía rế kro mơdro\ng.

Tung tơdroăng ki hriâm tâp a Pôa, lý thuyết tơ’lêi la tơdroăng pêi pro păng ‘nâng ôh tá tơ’lêi. Á tơmiât tiah kố, rêm ngế kuăn pơlê, rêm ngế kal pêi pro tro tiô troăng tơdjâk Pôa môi iâ xo mê rôh mơhnhôk hiăng châ tơ-[rê, malối hriâm tâp a Pôa tơdroăng ki kơd^ng, túa pơkâ mơnhông cheăng kâ [ă kơtâu ngin cho hiăng châ tơ-[rê’’.

{ă túa pơkâ ‘’Xo ngế ki tamo pro tíu ki xiâm’’, rêm ngế kăn [o#, mâu ngế cheăng dêi hngêi pơkeăng Quân y kong pơlê Bạc Liêu đi đo séa ngăn trâu hơngế [ă pêi pro kơhnâ khât tiô rơkong hnê dêi Pôa Hồ ‘’{ok thái pơkeăng môi tiah ngế nôu têm rơpiât’’. {ă hên hơnăm pêi cheăng a hngêi pơkeăng, Trung tă Mã Hồng Anh, kăn pơkuâ Hngêi pơkeăng Quân y kong pơlê đi đo mơnhên kơhnâ [ă tơdroăng cheăng, rơtế [ă khu pú hên cho kăn [o#, [ok thái pơkeăng tung hngêi pơkeăng tâi ivá rak ngăn mâu ngế tamo, mơdêk ki rơkê ple\ng dêi ngế [ok thái pơkeăng, mơdêk ki le\m tro dêi Mố đo#i Pôa Hồ tung chal nếo.

Rơtế [ă mâu rôh khăm pơlât kum mâu mố đo#i [ă kuăn pơlê mê mâu [ok thái pơkeăng hngêi pơkeăng ôh tá xâu pá, tơbrê tơbrêh troh khăm, pơlât ăm kuăn pơlê a mâu đông mố đo#i gâk tơkăng kong, mâu tíu khăm pơlât khu lêng [ă kuăn pơlê:

‘’Pêi pro tiô rơkong hnê pơchân dêi Pồ, ngin ngăn mâu ngế ki tamo xuân môi tiah mâu ngế tung rơpo\ng hngêi dêi tơná, ai tơdroăng ki pơlât tro tâ, pơtih ngế ki tamo ai tơdroăng rêh ối xơpá, pơlât klêi ôh tá ai liăn vêh pơlê, mê ngin veăng tơlo kum vâi liăn to rơxế.

Tiah mê, kăn [o#, [ok thái pơkeăng achê [ă kuăn pơlê tâ, môi tuăn hơ-ui [ă mâu tơdroăng ki châi heăng dêi vâi, ing mê kuăn pơlê môi tuăn [ă dêi rơpó khât’’.

{ă tơdroăng ki ai khât tung pêi pro, hriâm tâp tiô troăng tơdjâ hiâm mơno, túa cheăng Hồ Chí Minh, nâ Nguyễn Thị Hồng Hải, ngế ki rak liăn hngêi trung râ má môi Lê Lợi, cheăm Tam Lộc, tơring Phú Ninh, kong pơlê Quảng Nam tối tiah kố, ôh tá kal hnê tối nhên mê rêm ngế bu kal hriâm sap ing tơdroăng ki tơ’lêi [ă ku\n má môi dêi Pôa Hồ.

{ăng tơdroăng ki pâ nhuo#m dêi rơpó, Pôa đi đo kum tơdroăng ki le\m tro má môi ăm vâi hdrêng ki ku\n, malối cho mâu vâi hdrêng ki ai tơdroăng rêh ối xơpá. Hriâm tâp tiô Pôa, nâ hiăng rơtế [ă khu pơkuâ ngăn hngêi trung mơhnhôk mâu vâi o troh hngêi trung, vâ ‘nâi chư, kum ăm mâu vâi o tơniăn le\m tâ.

Nâ Nguyễn Thị Hồng Hải tối:

‘’Hriâm a Pôa mê ôh tá hriâm hngế [ă mâu tơdroăng pêi pro ki khât [ă ai pơxúa, tơtro [ă hnoăng cheăng ki pêi a hngêi trung, ing mê mơhnhôk mâu vâi hơnăm ối nếo ki ai tơdroăng rêh ối xơpá châ troh hngêi trung.

Á tơmiât tơ’lêi hlâu tiah kố, maluâ a mâu tơdroăng ki lâi xuân chiâng pro tơ’lêi hlâu vâ to\ng kum [ă mơ-eăm pêi klêi tơ-[rê má môi. Hnoăng cheăng á pêi rêm hâi kum mâu vâi muăn xuân môi tiah á cho nôu dêi mâu vâi muăn’’.

Tơbâ 50 hơnăm pêi pro tiô hlá mơ-éa chêh tối rơkong hnê pơchân dêi Hồ Chí Minh cho rôh vâ rêm ngế kăn [o#, đảng viên [ă kuăn pơlê hơ’muăn tối mâu tơdroăng pơchân kal khât, hên h^n tơdroăng ki pâ mơjo dêi Pôa Hồ [ă tâi tâng Đảng, tâi tâng kuăn pơlê, tâi tâng khu lêng pin, ăm mâu rơxông xo ah hmôi.

Chôu vế rơkong hnê pơchân, djâ troăng ahdrối dêi Pôa, rêm ngế kăn [o#, đảng viên [ă kuăn pơlê athế mơ-eăm ivá, to\ng kum tơnêi têa, kum kuăn pơlê.

Kim Thanh chêh

Katarina Nga tơplôu [ă tơbleăng