Hneăng tơ’noăng kho\m [lêi trâng tâi tâng khu lêng roh kố tơku\m 300 khu pú hên, ngế krê cho mâu ngế ki rơkê kơhnâ teăng mâ ăm khu pú hên [a\ ngế krê ki rơkê kơhnâ tung tơ’noăng kho\m [lêi trâng tâi tâng khu lêng, kum pro [â eăng khôi túa le\m [lêi trâng 76 hơnăm mơjiâng, xông tơplâ [a\ xông kân dêi Khu lêng kuăn pơlê Việt Nam Khên tơnôu. Kố cho mâu khu pú hên, ngế krê ki kơhnâ rơkê ai pleăng hnoăng hên, rơkê tung tơdroăng mơjiâng khu lêng, hnê pơtâp, hbrâ rơnáu tơplâ, thăm mơnhông cheăng lêng [a\ kring vế Tơnêi têa hneăng hơnăm 2015 – 2020.

Mê cho Thươ\ng tă Nguyễn Thị Hường, Kăn pơkuâ kal kí cho Kăn hnê ngăn Ko\ng đoân hngêi kơmăi Z129 (ối tung kơ koan xiâm Kơmăi kơmok cheăng lêng), ngế rơkê kơhnâ, ngế ai troăng tơmiât pêi ‘’Kơdrum kơchâi drêh ko\ng đoân’’ hiăng châ tơ-[rê tung 2 hơnăm kố nah. Troăng tơmiât mê pơxiâm sap hơnăm 2016, drêng hngêi kơmăi pơxiâm hơ’lêh tơku\m po pêi pro kâ tiô khu rah xêh ăm mâu ngế pro kăn tung hngêi kơmăi, mâu ngế pêi cheăng tung hngêi kơmăi, mơngế pêi cheăng, kơchâi drêh kum ăm dâng 900 ngế kăn pơkuâ tung hngêi kơmăi, mâu ngế pêi cheăng tung hngêi kơmăi thế rôe kơchâi ing hên tíu phá tơ-ê dêi pó, tơ’lêi ôh tá krúa le\m.

Ing tô tuăn ‘na tíu rôe kơchâi drêh krúa ăm hngêi kơmăi, nâ Nguyễn Thị Hường hiăng khên tơnôu pơkâ [a\ châ khu kăn pơkuâ hngêi kơmăi môi tuăn pro kơdrum pêt kơchâi drêh ko\ng đoân a tíu pêi cheăng:

‘’Kơchâi drêh ‘mot tung hơpiâp on pơchên kế kâ cho kal khât. Á hiăng pơkâ [a\ khu pơkuâ ko\ng đoân tíu pêi cheăng [a\ châ môi tuăn dêi khu kăn pơkuâ hngêi kơmăi, rơtế lăm séa ngăn [a\ môi tuăn pro kơdrum pêt kơchâi drêh ko\ng đoân [a\ troh nôkố, túa pêt kơchâi drêh ko\ng đoân  ngin hiăng tơniăn bê kơchâi drêh [a\ mâu plâi pôm ăm hơpeâp pơchên hmê kơchâi. Ing mê hiăng kum mơdêk ivá ăm mơngế pêi cheăng [a\ xuân mơdêk pêi lo liăn dêi đoân viên ko\ng đoân’’.

Phá [a\ nâ Hường, Trung tă Nguyễn Long Võng, Pho\ tơbleăng tơdroăng cheăng Sư đoân {o# Binh 2, kuân khu 5, nah cho 1 tung 12 ngiâ  méa hơnăm ối nếo rơkê kơhnâ tung tâi tâng khu lêng mâu hơnăm hdrối, Hneăng tơ’noăng kho\m [lêi trâng roh kố, pôa pơtối cho ngế rơkê kơhnâ tung tâi tâng khu lêng mâu hơnăm hdrối, Hneăng hôp tơ’noăng kho\m [lêi trâng tâi tâng khu lêng. Xông kân ing tíu pêi cheăng, mơ-eăm tơkâ hluâ pá puât [a\ tơdroăng mơ-eăm dêi châ, Trung tă Nguyễn Long Võng hiăng kum hên tung kêi đeăng hnoăng cheăng hnê mơhno, pơtâp, hbrâ vâ tơplâ dêi tíu cheăng, ngoh tối ki rơkê tơtro:

‘’{a\ dêi tơná, á thế pêi kêi đeăng tơtro 2 hnoăng, hnoăng má môi cho môi ngế kăn pơkuâ ối nếo, ahdrối thế [ea\n [e\ng rơkê, hbrâ tung tơdroăng pêi cheăng, tơdroăng ki lâi pá xuân thế mơ-eăm pêi, tơpui thế pêi. Drêng pêi thế rơtế [a\ mâu kăn pơkuâ, mâu lêng a đông. {a\ hnoăng cho ngế kăn pơkuâ, hnê mơhno, pơkuâ đông, [a\ dêi châ đi đo hlê ple\ng pêi tiô pơkâ, hnê ăm khu tung đông thế hlê ple\ng tro ‘na troăng tơmiât pêi ‘na lêng tung rơxông nếo, ki má lối cho hnoăng cheăng hnê pơtâp lêng [a\ hbrâ rơnáu tơplâ’’.

Tung hneăng hôp tơ’noăng kho\m [lêi trâng tâi tâng mâu lêng roh má 10 ối ai chât rơpâu ngế [ea\n [e\ng ai tuăn tơmiât pêi rơkê, hơ’leh ăm hôm tâ kih thuât pêi, hơ’leh ăm hôm tâ ‘na kơmăi kơmok, pháu hơnêa, kơno\ng, kum mơnhông tơtêk, xúa châ tơ-[rê pháu hnêa, kơmăi kơmok ki kơd^ng liăn, mơngế.

Tung mê ai Trung tă rơkê cheăng Đỗ Văn Hoan, kăn pơkuâ khu, pơkuâ khu pêi ‘na kih thuât tiêuh đoân tơbleăng tơdroăng kal 26, Khu xiâm tơbleăng cheăng lêng, Kuân đoân 4, ngoh cho ngế ki djâ troăng tung tơmiât pêi rơkê ki hên ‘na kih thuât kum hnoăng cheăng. Môi tiah Kơmăi tiê ăm pe\ng hnêa AK; Kơmăi ki thâu tơdroăng kal; Kơmăi séa ngăn kơxái [a\ ki ê hía hiăng kum kơd^ng tơmeăm ăm đông lêng [a\ kơdroh hngăm ăm khu pú. Ôh tá vâ môi tuăn [a\ tơdroăng ki tơná hiăng chiâng pro, Trung tă rơkê cheăng Đỗ Văn Hoan tối ăm ‘nâi, ngoh dế tơmiât pêi mâu tơdroăng ki nếo kum ăm tơdroăng cheăng:

‘’Mâu tơmeăm ki pro kố cho vâ kơdroh pá puât ăm nho\ng o, pú tung đông. Má môi, a  plông ki pơtâp cheăng lêng, má péa cho kơdroh [a\ tơ’lêi hlâu tung tơdroăng xúa pháu hơnêa, kơmăi kơmok tơbleăng tơdroăng ăm đông lêng. Hơnăm kố á xuân dế hbrâ tơbleăng tơdroăng vâ mơjiâng pro: Kơmăi séa ngăn gak kring troăng on tơhrik. Drêng on tơhrik kơdrâ tâk, tâng kế ki gâk kring troăng on tơhrik ôh tá tơpâ, mê on tơhrik ki mot a kơmăi ki tơdjêp hên phôn, mê kơmăi ki tơdjêp hên phôn [a\ tâi tâng kơmăi phôn kô chếo xua on tơhrik kân têi ó’’.

Rêm ngế ki djâ troăng ahdrối dêi Hneăng tơ’noăng pâ nhuo#m tơnêi têa tâi tâng khu lêng cho môi to reăng ki le\m tung kơdrum kho\m [lêi trâng, kho\m mơ-eăm kêi đeăng tâi tâng hnoăng cheăng, kum mơjiâng khu lêng kăch măng, ki păng ‘nâng, chôa ‘lâng mơdêk tiô chal nếo.

Nguyên Nhung – VOV1 chêh

A Sa Ly tơplôu [a\ tơbleăng