Nah veăng tung khu mơngế rơkê [a\ khu lêng ki pleăng hnoăng cheăng lâp plâi tơnêi a kong têa Lếo a hơnăm 80 dêi chal hdrối nah, pôa Nguyễn Đình Liên hiăng pâ vế tung hiâm mơno mâu tơdroăng tơmiât, pêi khu pú mô đo#i, hơ-ui kum dêi pó, xua pơlê pơla. Klêi kơ’nâi kêi pro mô đo#i, pôa Liên châ rah xo pêi cheăng tung kơvâ rak ngăn [a\ pêt kong troh drêng hơnăm hiăng krâ pơtê cheăng.

Hơnăm 2017, klêi kơ’nâi tơdah mơ-éa pơtê cheăng xua hơnăm hiăng krâ, tơngah xêh kô châ pơtê klêi kơ’nâi lối 35 hơnăm pêi cheăng, laga pôa Liên châ tơring Dak Song loi tơngah [a\ pơcháu, rah xo to pro Kăn pơkuâ hnê ngăn Mô đo#i hneăng hdrối nah dêi tơring.

Drêng pôu râng hnoăng cheăng nếo, pôa Liên đi đo ngăn dêi cheăng tơná tung pêi cheăng. Pôa hiăng mơjiâng ‘’3 pơkâ xiâm’’ tung tơdroăng cheăng khu [a\ mơ-eăm ti tăng mâu troăng pêi ki xiâm vâ to\ng kum, veăng mâu rơpo\ng tung khu [a\ kuăn pơlê tung tơring mơnhông mơdêk pêi chiâk deăng, tê mơdró, rak tơniăn tơdroăng rêh ối.

Pôa Liên tối ăm ‘nâi, Khu pơkuâ mô đo#i hneăng hdrối nah tơring Dak Song dế ai 2.062 rơpo\ng kuăn pơlê ai tơdroăng rêh ối pá puât kal châ to\ng kum. Tung mê, ai 80 rơpo\ng kơtiê, 84 rơpo\ng vâ chê kơtiê [a\ 30 rơpo\ng ai hngêi xi kơchoh. Pak^ng mê, tung tơring xuân dế ai hên rơpo\ng pá puât păng ‘nâng, ôh tá ai liăn vâ mơ’no pêi cheăng, ôh tá ple\ng hên tung pêt rak ngăn loăng plâi [a\ ki ê hía. Xua mê, pôa tâ thế pôu râng hnoăng cheăng kum, mơhnhôk vâi mơ-eăm pêi kâ, mơnhông mơdêk cheăng kâ.

Tiô pôa Liên, vâ pêi pro mâu troăng to\ng kum vâi krâ xăm kơklêa, kơdroh kơtiê châ tơ-[rê, Khu pơkuâ mô đo#i hneăng hdrối nah tơring hiăng séa ngăn, mơnhên mâu xiâm kối pro mâu rơpo\ng trâm pá, xiâm kối xua ti lâi pá vâ hluăn ing kơtiê. Kơ’nâi mê Khu hiăng ti tăng troăng vâ kum vâi krâ hluăn ing kơtiê. Pôa Liên tối, tơdroăng to\ng kum ôh tá xê to môi, péa hâi mê kuăn pơlê hluăn  ing kơtiê. Xua mê, thế tơpui tơno, mơhnhôk vâ kuăn pơlê mơ-eăm rơtế mơdêk hluăn ing kơtiê. Vâ ing mê, tơdroăng po rơdâ mâu tơdroăng cheăng, tơkêa bro nếo châ tơ-[rê.

Xo troăng pêi pro ‘’Vâi krâ thế mơdriu dêi tơná’’ pro troăng vâ pêi cheăng, Khu pơkuâ mô đo#i hneăng hdrối nah tơring Dak Song mơnhên troăng vâ pêi, tơdroăng tơkêa bro to\ng kum tơmeăm ki kal khât, pro ăm pơxúa mê kô kum ăm vâi krâ nho\ng o.

Môi tiah, ing Tơdroăng nhuo#m pâ khu pú, sap apoăng hơnăm troh nôkố, Khu pơkuâ mô đo#i hneăng hdrối nah tơring hiăng mơjiâng châ 3 toăng hngêi tuăn pâ ăm mâu rơpo\ng pôa Bàn Xuân Hạnh, ối a cheăm Dak N’Drung; rơpo\ng pôa Đoàn Văn Suốt, ối a cheăm Nam Bình [a\ rơpo\ng jâ Nguyễn Thị Na, ối a cheăm Thuận Hạnh. Lơ môi tiah tung hơnăm 2019, tâi tâng Khu pơkuâ mô đo#i hneăng hdrối nah tơring ai 17 rơpo\ng k^ hluăn ing kơtiê.

Ing mê, [a\ kơxo# liăn ‘’Kum mơngế kơtiê’’, Khu pơkuâ mô đo#i hneăng hdrối nah tơring hiăng to\ng kum tơmeăm pêi cheăng, hdrê pêt, mơnăn păn ăm mâu rơpo\ng kố. Troh nôkố, klêi kơ’nâi séa ngăn, 17 rơpo\ng k^ kơdroh kơtiê hơnăm 2019 hiăng hluăn ing kơtiê.

Vâ pêi pro châ tơ-[rê tơdroăng kơdroh kơtiê ăm khu mô đo#i hneăng hdrối nah, pôa Liên ôh tá xêo mơhé tíu achê hơngế, pơtê pơtân tơdroăng cheăng rơpo\ng hngêi vâ ai mâ a tíu pêi cheăng. Mâu thôn, pơlê ki pá puât, mâu rơpo\ng ai ngế tro tamo châi râ ôh tá ai pơkeăng pơlât prêi, ôh tá ai tơmeăm kâ pôa đi đo ai mâ teăm tơdrêng [a\ ti tăng troăng to\ng kum vâi.

Pôa đi đo tơmiât, ôh tá ai mâ a tíu cheăng cho ôh tá khât. Xua mê, mâu roh hôp ki kal tơdjâk troh tơdroăng rêh ối vâi krâ, pôa pơrá pơkâ tơku\m po a mâu thôn, pơlê. Kố cho troăng pôa Liên pói vâ thăm mơnhông pêi cheăng a tíu cheăng, mơnhên nhên xiâm kối kơtiê dêi khu pơkuâ mô đo#i hneăng hdrối nah vâ to\ng kum hlăn ing kơtiê ai tíu to\ng kum ki nhên.

Hlá tơbeăng Dak Nông

Sa Ly tơplôu [a\ tơbleăng