Êng: Ô pôa, hyôh kong prâi hơ’lêh mâu hơnăm achê kố tơdjâk môi tiah lâi troh tơdroăng pêt kơphế a Tây Nguyên?

Pôa Trần Văn Khởi: Tung mâu hơnăm achê pơla kố, hyôh kong prâi hơ’lêh pro chiâng ai tôu hngiú hmâng to lo vâ đi đo, pin hlo nhên, [ă ki tô dêi hyôh rế hía rế nhên. A rơnó tô mơdrăng ai mêi, môi tiah a mơ’nui hơnăm 2016 pin hiăng hlo nhên. Klêi mê, tung rơnó tô mơdrăng tô téa ó ‘nâng, têa siâ tâi tâng, thăm nếo maluâ hiăng mot tung rơnó mê hngê xuân ôh tá ai bê têa, xua mê, ôh tá xê ai nhên 2 rơnó môi tiah hdrối nah, cho rơnó tô [ă rơnó mêi, ki rơhêng vâ tối, xiâm kơnho\ng têa hiăng tro siâ, khăng khoăng hên [ă pro tơdjâk troh hên ‘nâng tơdroăng pêi pêt kơphế a kơpong Tây Nguyên.

Êng: Tiah mê, mâu kong pơlê kơpong Tây Nguyên kal athế tơku\m pêi pro tiô túa ki lâi vâ tơtro [ă hyôh kong prâi ki hmâ hơ’lêh phá tiah mê?

Pôa Trần Văn Khởi: Ki ahdrối tâ, [ă tơdroăng pơkuâ ngăn dêi kơvâ chiâk deăng, dêi kong pơlê, mê tiô á, ki apoăng xuân athế pro ti lâi hnê tối ăm kuăn pơlê pêi chiâk pêi deăng a kơpong ki hiăng pơkâ. Xua pin hiăng ‘nâi nhên, dế kố [ăng tơnêi chiâk deăng ga lối kân rơdâ hluâ tơdroăng hiăng hdró, dế kố ai dâng 650 rơpâu ha. Tung pơla mê, hdró tơnêi ki ăm phêp pêi pêt tơmeăm troh a hơnăm 2020 ah bu ai 600 rơpâu ha tê. Xua mê, pêi rơdâ hluâ tơdroăng pơkâ lối hên. Hluâ tơdroăng pơkâ mê tơkéa vâ tối pêi pêt kơphế a mâu kơpong ki iâ ai tơdroăng ki pro pơxúa ăm pin. Drêng tơnêi tíu ki khăng khoăng, hyôh kong prâi tô, têa ôh ti bê mê kô pro pá ăm pin ki pêi pêt tơmeăm, thăm nếo pêi pêt la ôh tá châ krí xo plâi ga.

Xua mê, ki má môi kal athế hnê kuăn pơlê pêi chiâk deăng ‘nâi klê tơdroăng pêt athế tơtro tung [ăng tơnêi ki hiăng pơkâ, ăm phêp. Ki má péa, athế ‘nâi rơkê tung pêi pro tiô túa hnê tối, túa mơdâ pêt, [ă tơdroăng ki pêt hdrê loăng tơtro [ă tơnêi tơníu, hyôh kong prâi a pơlê cheăm tơná. Ki má pái, khu hnê mơhno túa pêi chiâk deăng, tơkéa vâ tối khu hnê ki rơkê ple\ng dêi kih thuât athế hnê tơtro [ă ki tơmeăm ki ai khât păng ‘nâng vâ hnê mơhno tối, pơchân khe\n vâi krâ-nho\ng o, ngăn tiô kơ tơdroăng, túa cheăng mơdâ pêt tiah lâi, túa ki pêt tơvât, pêt mâu hdrê loăng a rơnó ki ê dêi pó tiah lâi, klêi mê, hbrâ ví hyôh kong prâi tô mơdrăng, mêi hngiú tiah lâi ăm ga i tơtro.

Êng: Ki pá má môi dêi Tây Nguyên dế kố cho vêh pêt tơmó kơphế. Kố cho tơdroăng ki tô tuăn khât dêi tâi tâng kuăn pơlê pêi chiâk deăng [ă khu kăn pơkuâ. Tiô pôa, ai troăng hơlâ tiah lâi vâ tơdroăng ‘mâi pêt tơmó châ tơ-[rê tung pơla dế kố?

Pôa Trần Văn Khởi: Tơdroăng vêh pêt tơmó, cho pin ‘mâi pêt xiâm loăng ki ê nếo. Ga ai hên túa, môi tiah, loăng kơphế hiăng krâ, a mơ’nui rơnó krí xo dêi plâi, plâi ôh ti ‘nhó kơtóu, loăng ôh ti dâi mê vâi lâk tah lôi, pơtối pêt xiâm loăng ki ê nếo. Klêi mê, tơnêi chiâk deăng ki tro oâ hdrong, pơreăng thăm pro loăng rế pá u dâi [ă loăng kô khăng kho, kuăn pơlê athế ‘mâi pêt xiâm ki ê nếo.

{ă mâu xiâm ki hiăng krâ, ôh tá xê tro tâ pơreăng, lơ tro oâ hdrong kâ ‘nhê, drêng lâk tah lôi xiâm loăng ki hiăng krâ, pin athế re\ng pêt xiâm loăng ki nếo, ôh tá  ai tơdroăng klâi, tro tiô pơkâ. Laga, [ă mâu kơdrum deăng ki tro tâ pơreăng, oâ hdrong, ngăn tiô kơ tơdroăng ki râ lơ iâ dêi pơreăng, oâ hdrong kâ ‘nhê vâ pơkâ hâi khế ki pơtối ‘mâi pêt nếo xiâm loăng ki ê, lơ mâu hdrê loăng ki ê vâ pro kơdroh pơreăng, oâ hdrong ối tung tơnêi tâ tú, klêi mê, nếo vêh pêt nếo. Tâng pin xúa, pêi pro tơtro trối dêi pó, mâu kơdrum deăng ki ai hên pơreăng, oâ hdrong, xua pơreăng pro tr^ng hlá, u\m rêi ah pin mơdâ pêt tơdrêng a tơnêi ki mê, ga kô tơ’lêi tâ tú  pơreăng, oâ hdrong. Xua ti mê, tơdroăng kố kal athế hlê ple\ng nhên, ngăn tiô kơ rêm kơpong tơnêi. {ă tơdroăng kố, kăn [o# kih thuât, ki rơhêng vâ tối cho Khu ngăn ‘na hnê mơhno chiâk deăng a mâu pơlê cheăm kal athế đi đo lăm ngăn a chiâk deăng, lăm pêi chiâk [ă kuăn pơlê vâ ai troăng hơlâ hnê tối tơdrêng ăm kuăn pơlê. Pôi tá lôi ai tơdroăng ki pơreăng, oâ hdrong tâ tú, kâ ‘nhê hên. Xua loăng kơphế cho hdrê loăng ki ton hơnăm, ai loăng ki ‘nâ troh hơnăm má 3 mê nếo tâ pơreăng, oâ hdrong, drêng mê, kô hrê hên liăn ngân, tơ’nhê hên hdrê loăng pêt.

Êng: Tung mâu hơnăm achê pơla kố, a Tây Nguyên thăm rế tô mơdrăng khăng khoăng, [ă ai môi túa cheăng ki kal pơchân tối, athế tôh têa i iâ ăm loăng kơphế. Tiô êh pôa, troăng hơlâ kố hôm tơtro vâ xúa pêi pro a Tây Nguyên há lơ ôh?

Pôa Trần Văn Khởi: Tiô á hlo ga tơtro ‘nâng, ti xê to loăng kơphế mê tá kơxái tiu thăm nếo tá loăng plâi kâ. Mê cho troăng hơlâ tung pêi chiâk pêi deăng dế nôkố, ga cho mơhno tối ‘na túa cheăng kơmăi kơmok chal nếo, kum tơdrêng, tơtro khât ăm hdrê loăng pêt. Dế nôkố, kơmăi ki tôh têa i iâ thăm nếo ga xuân tơtro [ă mâu hdrê loăng ki ê, tí xê khuôt têa la vâi xuân ối toh têa ing túa ki tôh i iâ mê. [ă kơpong tơnêi dêi Tây Nguyên mê kơpong ki kal xúa kơd^ng têa, tôh têa ăm lo i iâ cho kal păng ‘nâng. Hluâ tâ mê nếo, tâng pin tơru\m tá tơdroăng rơvât phon hnối ‘nâi kơd^ng tung toh têa ga kô tơ-[rê ăm tơdroăng cheăng kâ. Ti xê to châ kơd^ng têa tôh, kơd^ng to phon rơvât mê ối kơd^ng tá hnoăng pêi cheăng, [ă thăm pro ăm plâi kơtóu hên.

Mơnê kơ êh pôa!

Công Bắc chêh

Nhat Lisa tơplôu [ă tơbleăng