VOV4.Xơ Đăng - Khu xiâm ngăn pơkeăng pơlât ai krếo phôn kơ Ngế xiâm hnê mơhno hbrâ mơdât pơreăng COVID-19 ƀă Kăn xiâm hnê ngăn Vi ƀan mâu kong pơlê, pơlê kong kân ‘na tơdroăng mơdêk hbrâ mơdât pơreăng hlo ai pơreăng rơ- iô Omicron. A Việt Nam hiăng ai mâu ngế tâ pơreăng ki nếo Omicron a 3 kơpong peăng kơnhŏng tơnêi têa, peăng Hdroh tơnêi têa, kơpong tơdế tơnêi têa xuân to mâu ngế ing kong ê mot a tơnêi têa pin hiăng châ rak ngăn, teăm klâ krê.

Tung pơla ai pơreăng nếo Omicron kô tơ’lêi tâ tú rĕng, Khu xiâm ngăn pơkeăng pơlât pơkâ thế mâu kong pơlê, pơlê kong kân hnê mơhno kơtăng, mơdêk hbrâ mơdât pơreăng COVID-19; hbrâ mơdât pơreăng Omicron; hbrâ mơjiâng pơkâ, troăng rơhlâ vâ pêi pro mâu tơdroăng pơlât mơdât COVID-19 tung kong pơlê, mơdêk ivá cheăng khăm pơlât dêi khu ngăn pơkeăng tiô tơdroăng pơkâ 4 a mê; mơdêk séa ngăn, rak ngăn mâu ngế ki lo ing kong têa ê.

Mâu kong pơlê kal thế mơdêk hnoăng cheăng hnê tối mơdêk tối tơbleăng  thê kuăn pơlê hbrâ rơnáu xua ai pơreăng nếo Omicron, ôh tá tơkŭm pú hên tâng ôh tá ai tơdroăng kal.

Gương tơplôu ƀă tơbleăng