VOV4.Sêdang -  Mơdĭng mơhnhôk tơmối ôm hyô ƀă mơhno túa lĕm tro pế pơchên kế kâ Hà Nội hơnăm 2021 djâ tơvế lối rơpâu tour ôm hyô, kế tơmeăm ôm hyô ki nếo, hơniâp ro ƀă mâu tơdroăng ki lăm ôm hyô ai tơdroăng ki kum kô po sap ing hâi lơ 16 – 18/4, a kơpong tíu meăn um Lý Thái Tổ, pơlê krâm Hoàn Kiếm, Hà Nội. Kố cho tơdroăng pêi pro mơhnhôk tơmối ôm hyô tung tơnêi têa xua Chin phuh tơbleăng ƀă inâi “Mơngế Việt Nam lăm ôm hyô a Việt Nam” ƀă ‘mâi mơnhông tơdroăng ôm hyô tung tơnêi têa tơdjêp ƀă mâu kong pơlê ki ê klêi kơ’nâi tơdjâk dêi pơreăng COVID-19. Tung rôh po mơdĭng, Khu ngăn ‘na ôm hyô Hà Nội kô tơkŭm tơrŭm ƀă Tíu xiâm pơkâ mơdêk ‘no liăn cheăng, tê mơdró, ôm hyô tơkŭm po mâu tơdroăng Famtrip ăm mâu kăn, mâu khu mơdró kâ ôm hyô, ngế ki chêh hlá tơbeăng lo ing mâu kong pơlê, pơlê kong kân lăm séa ngăn kế tơmeăm ôm hyô a pơlê kong xiâm.

Katarina Nga tơplôu ƀă tơbleăng