Vi ƀan hnê ngăn pơlê kong kơdrâm Đà Lạt, kong pơlê Lâm Đồng dế mơnhông tơdroăng pơkâ mơ’no túa cheăng vâ mơnhông pêi cheăng kâ a kơmăng, tơtro tiô tơdroăng ki xah ôm hêi, rôe xúa tơmeăm khoăng, ôm hêi, pơchên hmê kơchâi kâ a kơmăng ăm kuăn pơlê ƀă tơmối.

Tung tơdroăng pơkâ mơnhông ‘na tê mơdró kâ a kơmăng, ki ahdrối tâ, Đà Lạt kô tơkŭm pêi pro mâu túa ki pơkrâ mâu prôa ki chiâng chuât xêh tơdrá ki ro rih a tíu xah ôm hêi têa a Kơdrum reăng pơlê kong kơdrâm, tơkŭm mơđah hơdruê xuăng rêm măng ƀă mơjiâng mâu tíu ki ăm mơngế, tơmối mot hêi ngăn, rôe xúa tơmeăm a kơopong tơdế kơphô̆.

Tơdrêng amê, mơjiâng troăng kơphô̆ ki pơchên kế kâ, troăng prôk tung kơphô̆ a kơmăng ƀă kơpong Plông kân Lâm Viên. Rêm túa cheăng mê pơrá ai tơdroăng ki pơrá phá dêi pó, ai hên tơmeăm khoăng vâ tơtro, tơxâng ƀă mâu tơdroăng xah ôm hêi, rôe tơmeăm, pế pơchên hmê kơchâi ăm tơmối.