Tiô tối hdrối kô ai lối rơpâu to kơ’lo kơphế tê kơtê vâ mơnê kuăn pơlê ƀă tơmối drêng troh a pơlê kong kơdrâm Ƀuôn Ma Thuột, kong pơlê Dak Lak tung rôh kố.

Tiô pôa Trần Đức Nhật, kăn phŏ hnê ngăn Vi ƀan pơlê kong kơdrâm Ƀuôn Ma Thuột, kong pơlê Dak Lak, klêi kơ’nâi ƀlêi chiâng dêi tơdroăng pêi pro ôu kâ kơphế tê kơtê a rôh po mơdĭng kơphế Ƀuôn Ma Thuột rôh má 8, hơnăm 2023, pơlê kong kơdrâm hiăng pơkâ rah xo hâi lơ 10/3 rêm hơnăm vâ tơbleăng tơdroăng pêi pro ôu kơphế tê kơtê.

Hơnăm kố, tơdroăng cheăng po a 3 tíu cho Chợ phiên @ Buôn Ma Thuột, Plông kân 10 khế 3 ƀă Đường sách Ƀuôn Ma Thuột, tung 2 hâi, lơ 9 ƀă 10/3. Pakĭng mê, pơlê kong kơdrâm ối tơbleăng ăm ôu kơphế tê kơtê a mâu bêng cheăm ki iâ má môi cho 1 hâi lơ 10/3.