Khu kăn pơkuâ hnê ngăn Đảng kong pơlê Dak Lak tơkŭm po Hôp mơgêi 15 hơnăm pêi pro tiô pơkâ kơxô̆ 23 dêi khu xiâm kal kí (hneăng 10) ‘na pơtối mơjiâng ƀă mơnhông văn hok, ngê̆ thuât tung rơxông nếo.  Tiô tối tơbleăng dêi khu kăn pơkuâ hnê ngăn Đảng kong pơlê Dak Lak, luâ 15 hơnăm tơbleăng pêi Pơkâ kơxô̆ 23 dêi Khu xiâm kal kí (hneăng 10), tơdroăng cheăng văn hok ngê̆ thuât dêi kong pơlê hiăng pêi hên ki tơƀrê.

Kong pơlê ai tơ’nôm hên tơdroăng hriăn plĕng ki nếo ‘na tơplâ tơplong dêi kăch măng, mơjiâng xah hô̆i chuh ngiah, pơ-eăng tơdroăng pâ dêi pơlê, tơnêi têa, pơ-ô pơ-eăng Đảng, Pôa Hồ ƀă tơdroăng pơ’lêh nếo. A hneăng hôp, mâu kăn hiăng tơpui tơno, ‘na troăng rơhlâ pơtối mơjiâng ƀă mơnhông văn hok ngê̆ thuât tung rơxông nếo, tơdroăng pơtối rak vế túa lĕm tro mâu hdroâng kuăn ngo Tây Nguyên tung tơdroăng ‘na văn hok ngê̆ thuât.

Tơdroăng rak vế, pơtối rak ki lĕm tro ton nah, pơtối rak hnoăng cheăng dêi chi hô̆i văn hok ngê̆ thuât kong pơlê tung tơdroăng hriăn plĕng ki nếo, tơkŭm tí tăng ‘nâi plĕng, mơdêk tơpui tối ki ôh tá tro ‘na văn hok ngê̆ thuât.