Mơđah tơbleăng tơmeăm, hneăng tơ’noăng loăng pơlái kong kế ki lĕm mơnâ mâ ngăn kong pơlê Dak Lak tơkŭm po sap ing hâi lơ 7 troh hâi lơ 15/3. Tơdroăng tơkŭm lối 6.000 tơmeăm mơđah tơbleăng ƀă dâng 1.000 tơmeăm ki veăng tơ’noăng môi tiah: Loăng ki mơnâ mâ ngăn; Hmốu ngê̆ thuât; Reăng rĭng; Loăng lũa; chêm ki lĕm mơnâ mâ ngăn. Mơđah tơbleăng mơhnhôk lối 500 ngế ngê̆ nhân troh ing 11 kong pơlê tung lâp tơnêi têa.

Mơđah tơbleăng loăng pơlái kong kế ki lĕm mơnâ mâ ngăn roh kố vâ tơbleăng ‘na tơnêi, kuăn mơngế, mâu tơdroăng mơ-eăm dêi ngê̆ nhân, khu ki pêi kơdrum a kong pơlê Dak Lak tối krê ƀă mâu ngê̆ nhân tung kơpong ƀă lâp tơnêi têa tối tơdjuôm tung tơdroăng rak vế, mơnhông mơdêk ki kơnâ tơmeăm loăng pơlái kong kế.

Ing mê, thăm mơdêk ki hlê plĕng, tơdjêp, trâm mâ mơhno khôi túa lĕm loăng pơlái kong kế la ngiâ djâ tơmeăm loăng pơlái kong kế chiâng môi kơvâ cheăng kâ.