Tung 5 hơnăm hiăng hluâ, Khu tơrŭm pêi Ôm hyô Dak Lak hiăng tơrŭm tơkŭm po hên lâm hnê pơtâp, hnê tơ’nôm ăm hrĭng roh ngế, kum mơdêk ki rơkê mơngế pêi ôm hyô. Djâ mâu ngế tơrŭm lăm séa ngăn, hriâm túa ki rơkê tơtro, troăng pêi ôm hyô pơlê pơla ƀă tê mơdró homestay a mâu kong pơlê, pơlê kong kơdrâm; tŏng kum ăm mâu ngế tơrŭm veăng mâu kơchơ mơdró, mơđah tơbleăng; djâ mâu khu tê mơdró mâu ngế tơrŭm lăm Famtrip, séa ngăn, tơdjêp, kĭ tơkêa mơ-éa môi tuăn tơrŭm cheăng ‘na ôm hyô.

Tung hneăng nếo, tơdroăng pêi dêi Khu tơrŭm tơkŭm tung tơdroăng pro krá tâ tung khu, mơnhông khu cheăng, mơhnhôk mâu khu râ vâ pêi pro lĕm tro tâ mâu tơdroăng pêi. Rơtế amê, Khu tơrŭm xuân thăm pêi pro mâu tơdroăng tơrŭm cheăng, tơdjêp kơpong, mơjiâng ki kơnâ krá tơniăn tung mơnhông ôm hyô a kong pơlê.