Pêi pro Hâi mơéa ƀă tơdroăng rơkê tung pơchuât mơ-éa Việt Nam hơnăm 2023, hên cheăm tơring a kong pơlê Dak Lak hiăng po mâu tơdroăng cheăng pêi pro ai pơxúa tơmiât troh hok tro a kơpong hngế hngo. Djâ mơéa troh a kŏng hok tro kơpong hngế xuân cho môi tơdroăng cheăng ki kal dêi Hô̆i văn học nghệ thuật Dak Lak tơmiât troh Hâi mơéa ƀă tơdroăng ki rơkê tung pơchuât mơéa hơnăm kố.

Jâ Niê Thanh Mai, Kăn hnê ngăn Hô̆i ăm ‘nâi, châ tơdroăng ki pơkâ thế ăm hnoăng pơkuâ dêi Hô̆i Nhà văn Việt Nam, Hô̆i Văn học Nghệ thuật Dak Lak hiăng diâp lối hrĭng kơxop hlá mơéa văn học nghệ thuật tung tơdroăng tơkêa “Diâp mơ-éa văn học nghệ thuật ăm mâu phô̆m vâ xông kân kơpong hngế hngo” ƀă tơkŭm po hên tơdroăng trâm mâ, tơrŭm ƀă mâu ngế ki chêh mơéa.

Jâ Niê Thanh Mai tơngah, ing mê hok tro kô ai tơdroăng ki châ pơchuât ngăn hên tâ ƀă hên pơchuât hên tâ ƀă mâu mơ-éa kố, ing mê kô mơdoh chôu tâ ăm tơdroăng ki pơchuât, tí tăng ‘nâi plĕng tơrêm kơtâ mơéa.