Tiô mâu kăn kong pơlê Dak Lak ăm ‘nâi, tung hơnăm hdrối, mơhé trâm hên xơpá la kong pơlê pơtối mơnhông ki tơƀrê cheăng kâ - rêh ối tơkŭm hên mơngế tơmeăm ƀă tơbleăng pêi mâu tơdroăng pơkâ dêi tơnêi têa ƀă mâu tơdroăng tơkêa bro tơmeăm khoăng tơnêi têa. Mâu kơvâ khăm pơlât, túa lĕm tro, tơ’noăng ivá, ôm hyô, khoa hok kŏng ngĕ , thông tin, hnê hriâm ƀă hnê mơjiâng tuăn ngôa rơkê hiăng pêi hlo tơƀrê.

Hnoăng ki châ tơƀrê tơdjuôm mê ai hnoăng veăng ‘no hên dêi mâu ki rơkê, văn ngê̆ sih bă khu chêh hlá tơbeăng a kong pơlê. Hơnăm 2024, cho hơnăm ki tơƀrê hên, mơdêk rĕng pêi pro tiô tơdroăng pơkâ pơcháu, hnoăng  cheăng pêi dêi tâi tâng hneăng pro kăn a hneăng hôp kân Đảng ƀô̆, kăn hnê ngăn kong pơlê Dak Lak púi vâ mâu ngế rơkê, văn ngê̆ sih, mâu chêh hlá tơbeăng tung kong pơlê pơtối pleăng hên tâ nếo tung rêm kơvâ cheăng tơdroăng ki mê vâ kum mơjiâng Dak Lak, rơkê plĕng, rak túa lem tro.