Tung 2 hâi mơ’nui măng tĭng kố nah, a Troăng kơxôp mơ-éa tơkŭm po mâu tơdroăng ki má môi mơtiah: tơbleăng kơxôp mơ-éa vâi hdrêng Cà Nóng chu du Trường Sa ƀă trâm mâ ƀă mâu ngế ki chêh Bùi Tiểu Quyên; mơđah tơbleăng kơxôp mơ-éa hơ’muăn Dế Mèn phiêu lưu ký ƀă trâm mâ mâu ngế chêh văn, chêh ‘na tơdroăng vâi hdrêng; tơpui tơno ƀă mâu ngế chêh văn Tống Phước Bảo a pơlê kong kân Hồ Chí Minh ‘na dó inâi ‘’Pin hôm hâk vâ pro ngế chêh văn’’.

Veăng tơdroăng, mâu vâi hdrêng ối châ diâp mâu kơxôp mơ-éa hơ’muăn vâi hdrêng ki ô eăng môi tiah: Đất rừng phương nam, Trên đồi gió thổi, Năm đứa trẻ xóm đồi lơ Dế mèn phiêu lưu ký. Tung tơdroăng cheăng, Khu pơkuâ Văn hok Nghê̆ thuât Dak Lak tơbleăng ăm pêi pro tơdroăng tơkêa bro ‘’Diâp kơxôp mơ-éa văn hok nghê̆ thuât ăm vâi hdrêng kơpong hơhngế hơhngo’’ dêi Khu pơkuâ ‘na chêh văn Việt Nam hiăng diâp 600 kơxôp mơ-éa vâi hdrêng ăm mâu vâi o veăng.