Dreng Têt tiô khôi hmâ dêi 2 kong têa pú Lếo ƀă Kul, a pơlê kong kơdrâm Kon Tum nếo po Hâi mơdĭng trâm mâ mơhno túa lĕm tro Việt Nam – Kul. Hâi leh kố ai hên tơdroăng cheăng ai pơxúa, môi tiah: trâm mâ tơpui tơno hơdruê xuăng ôu eăng tơdroăng tơrŭm, tơroâ, tơrŭm môi tuăn dêi 3 to kong têa; mơđah tơbleăng xâp ếo pơtâk dêi 12 hdroâng kuăn ngo nhŏng o dế rêh ối, hriâm tâp ƀă pêi cheăng a kơpong tơkăng kong; vêh mơhno mâu tơdroăng ki rơkâu xối tung rôh Têt khôi hmâ truyền Bunpimay ƀă Chol Chnam Thmay.

Rơtế ƀă tơbleăng ki lĕm Têt khôi hmâ dêi 3 to kong têa Việt Nam – Lếo – Kul, a Hâi mơdĭng trâm mâ mơhno túa lĕm tro Việt Nam – Lếo – Kul ƀă inâi “Mơngiơk mơhno túa lĕm tro Đông Dương”, mâu sinh viên ƀă tơmối ối châ kâ hên kế kâ khôi hmâ, rơtế tơpui tơno vâ hlê tơ’nôm ‘na khôi túa lĕm tro dêi rêm kong têa sap ing mê tơbêng tơdroăng tơrŭm, tơdroăng tơrŭm tơroâ krá rơdêi pơla 3 kong têa.