Hâi pêi tơdroăng cheăng xua rak vế hyôh kong prâi a Đường Sách po ai 2 tơdroăng ki xiâm, mê cho xo pin ton vâ xo pin hlá mơ-eá nếo, loăng sen đá ƀă pơkâ pêi pro hdrê ki tơniăn. Tung mê, tơmeăm pro hdrê cho mơdiê tơnêi hneăn, tơnêi prăng ƀă puâ ƀă têa, rơbliê, klêi mê tơvât hdrê kơchâi cần tâp a tơdế tơnêi, klêi mê, hnối rơbliê ƀă têng  khăng.

Tơnêi hneăn mê châ lŭm tâ tá hdrê kloăng kum rak vế hdrê pôi tá tro oâ hdrong kâ ‘nhê ƀă rak vế têa ăm kloăng ga hbú rơmôe, hmŏng rêi. Tung rêm kong kếo hdrê mê, a 5 hdrê ki vâ mơjiâng tơkâng tơhyôm, loăng ki tơniăn vâ pro pơkeăng, tơtro ƀă tơdroăng ki vâ xế, mơdâ. Kơ’nâi mê, mâu kong kếo hdrê kố kô châ mâu ngế vâi rơtăm ki cheăng djâ lăm mơdâ pêt a mâu tơnêi tíu, inúa ngo ƀă mâu tơbăng nhâ a kơpong xí Liêng Buk Sak, ối tung tơring Lăk, veăng kum thăm mơdêk rak vế hdrê loăng nhâ, pơkeăng.