Po sap ing hâi kố troh tâi hâi lơ 10/11 a Hngêi ‘măn chôu tơmeăm khoăng Dak Lak, mơđah tơbleăng, mơhno 200 kơtâ um dêi 87 ngế, châ rah xo ing rơpâu kơtâ um dêi mâu ngế ki hmâ xup ƀă ôh tá hmâ xup, tung lâp tơnêi têa, Khu um kố mơhno tối khôi túa, vêa vong, lĕm tro dêi 54 hdroâng kuăn ngo Việt Nam, ing tơdroăng ki hmâ loi tĭng, túa rêh kâ ối, ‘na ếo pơtâk ƀă leh mơdĭng dêi hdroâng kuăn ngo.

Ing mê, cho vâ thăm mơdêk ki dâi khât tung mơjiâng tơdroăng rêh ối túa lĕm tro tơdjêp ƀă pơtối mơnhông ki kơnía dêi tơmeăm khoăng, mơnhông ki hloh hlê rơkê plĕng ‘na túa lĕm tro ăm kuăn pơlê, tung mê, ai kơjo gum ‘na tơdroăng ki xup tối ‘na hdroâng mơngế kuăn ngo. Klêi mê, mơhno tối, ‘mâi rơnêu, mơjiâng khu um ki lĕm, tơtro khât dêi 54 khu hdroâng kuăn ngo Việt Nam vâ tơbleăng, hnê tối, mơđah tung mâu roh leh mơdĭng, mâu tơdroăng ki kân, hên mâu tơdroăng ki tơrŭm ‘na túa lĕm tro, ngê̆ thuât tung tơnêi têa ƀă kong têa ê.