Kơmăng hâi lơ 14/4, Khu xiâm ngăn túa lĕm tro, Tơ’noăng ivá ƀă Ôm hyô kong pơlê Gia Lai tơkŭm po Hâi leh mơhno túa lĕm tro mâu hdroâng kuăn ngo kong pơlê Gia Lai  rôh má péa hơnăm 2023. Po tung péa hâi , lơ 14 ƀă 15/4, hâi leh mê ai vâ chê 800 ngĕ nhân, kăn ƀô̆ kŏng chưk, mâu hdroâng kuăn ngo dêi 17 tơring, pơlê kong krâm, pơlê kong kơdrâm dêi kong pơlê.

Troh veăng leh mơdĭng, mâu khu ngê̆ nhân bă mâu ki rơkê ‘na tơdroăng ton nah pơtối pro tơbâ tơdroăng rêh ối cheăng kâ dêi kuăn pơlê ing mâu tơdroăng: Mơđah tŏn chêng, rơngêi, ting ting, hơdruê, rêi prôa tiô tơdrá kuăn ngo, mơđah pong rơgi um loăng, teăn tơmeăm ƀă phêa kơlá, rái, teăn hmôu, jiâ...

Hâi mơdĭng Túa lĕm tro mâu hdroâng kuăn ngo kong pơlê Gia Lai cho rôh mâu kuăn pơlê mâu hdroâng kuăn ngp hên rơxông  tung kong pơlê trâm mâ, tơpui tơno hnê tối túa pêi pro, hlối tơrŭm môi tuăn. Klêi  tŏn chêng koăng dêi mâu khu ngê̆ nhân. Hên mâu tơmối hiăng veăng xah hêi ro tung hâi mơdĭng ƀă veăng kơ’râu xoâng tiô tơdrá  Tây Nguyên.