Tơdroăng mơđah tơbleăng kố po sap ing hâi ki mê tá troh tâi khế 2 la ngiâ, tơdroăng xiâm ki mơđah tơbleăng mê, mơhno tối 69 kơtâ um kơchuâ tiô chal vâi krâ roh nah, cho mâu um ki châ rah xo ing Hngêi ‘măn rak kế tơmeăm dêi Việt Nam. Tung mê, ai mâu kơtâ um ki châ ô eăng: Đông Hồ (Thuận Thành, Bắc Ninh), Hàng Trống, um Kim Hoàng (Hà Nội), ƀă mâu um rơkâu koh Vũ Di (Vĩnh Phúc), Độc Lôi (Nghệ An), tung dế um mê cho vâ tối hên tơdroăng, tối ‘na tơdroăng rêh kâ ối, tơdroăng pêi chiâk pêi deăng, um rơkâu dêi pó drêng Têt troh rơngó hơngui hiăng klê, mơhno tối tơdroăng pói rơhêng vâ plâ rơxông dêi kuăn pơlê ‘na tơdroăng rêh ối phâi tơtô, hơniâp lĕm.

Pôa Đinh Một, Kăn pơkuâ ngăn Hngêi ‘măn rak kế tomeăm dêi kong pơlê Dak Lak tối ăm ‘nâi, mâu kơtâ um kố cho vâ mơhno tối ăm kuăn pơlê mâu tơmeăm khoăng ki kơnía dêi chal vâi krâ roh nah dêi mâu hdroâng mơngế Việt Nam. Tơdrêng amê, xuân cho tơdroăng ki pêi pro, hơniâp ro, xah ôm hêi koh tơdah rơnó hơngui Giáp Thìn ƀă koh tơbâ 94 hơnăm hâi mơjiâng Đảng Cộng sản Việt Nam.