Hên tơdroăng po leh mơhno túa lĕm tro ôm hyô châ tơkŭm po a kong pơlê Quảng Trị vâ ăm kuăn pơlê ƀă tơmối ngăn, drêng troh hâi leh lơ 30/4 ƀă lơ 1/5 la ngiâ. Ki vâ tối leh kân lâp tơnêi têa tơrŭm môi ƀă leh mơdĭng túa lĕm tro - kế kâ Việt Nam pơxá “Mơhúa kuăn ngo - ki tâ kơhiâm dêi pơlê’’. Leh mơdĭng ‘’lâp tơnêi têa tơrŭm môi’’ châ po a kong pơlê Quảng Trị tơkŭm po a kơxo hâi lơ 30/4 a  Tíu ôm hyô Tơnêi têa ki lĕm Đôi bờ Hiền Lương - Bến Hải kô cho leh kân tơ’mot krâm kuăn pơlê ƀă tơmối cho mâu lêng hơnăm hiăng krâ troh veăng leh.

Klêi leh koh hlá cờ cho mơdĭng tơ’noăng vo plong a kroăng Bến Hải. Leh mơdĭng Túa lĕm tro - Kế kâ Việt Nam 2023 pơxá “Mơhúa kuăn ngo - ki tâ kơhiâm dêi pơlê’’ po sap hâi lơ 28 - 30/4 a Kơpong Ôm hyô Cửa Việt, pơlê kân Cửa Việt, tơring Gio Linh.

Leh mơdĭng mê ai 80 tơmeăm tơbleăng kế kâ 3 kơpong Peăng kơnhŏng - Tơdế  tơnêi têa - Peăng Hdroh tơnêi têa veăng ai hên mâu ngê̆ nhân, mâu ngế rơkê ‘na kế kâ má môi dêi Việt Nam.